10 сарын 26, Мягмар
15.57°C
USD 2,848.93
USD 2,848.93
EUR 3,321.14
JPY 25.07
GBP 3,928.10
RUB 40.67
CNY 446.48
KRW 2.44

МАРТАЖ БОЛОМГҮЙ ТУС

Ч.Ганжавхлан дүү минь энэхүү хорио цээрийн үед, “бор зүрхээрээ” яваа Монгол бизнесүүдээ дэмжих #хүнлэг#эко#зѳв аян зохион байгуулж 100 орчим бизнесүүдийн мэдээллийг сошиал орон зайд үнэ тѳлбѳргүйгээр түгээлээ. Түүний үүсгэн байгуулсан “Human Network” санаачлагыг дэмжигч олон залуус түүнийг нь шейрлэн түгээв. Түүнд нийтдээ 700 орчим бизнесүүд мэдээллээ илгээсэн гэсэн.

*Нэгэн зүйл:

Цахим хаягаар ирсэн ийм олон мэдээллүүдтэй нэг бүрчилэн танилцаж, тэднээс сонгож эмх цэгцэнд оруулан бэлтгэж олон нийтэд түгээнэ гэдэг үнэхээр амаргүй ажил. Маш их цаг болон анхаарлыг үүнд зарцуулдаг. Бүгдийг түгээж амжихгүй болохоор нилээд харьцуулалт хийж сонгоно. Бизнес нь сонгогдсонд эзэд нь баярлан талархана, сонгогдоогүйд зарим нь уурлаж бухимдана, зарим нь “за яахав дээ?” гэж хайнгадуухан бодно. Ч.Ганжавхлан энэ бүгдийг үнэгүй, бусдад тус болох сайхан сэтгэлийн хүслээр хийж байгаа гэдгийг хүн болгон анзаардаггүй. Тэгэхээр бүгдээрээ түүнд талархал илэрхийлье.

Хэн нэгэнд сайхан сэтгэлээр хандаж тус болоход эхлээд баярлан талархдаг. Дараа нь тэгэх ёстой юм шиг бодож эхэлнэ. Эцэст нь тус болсонгүй гэж уурлана. Хүмүүс бидэнд ийм сул тал байдаг л даа. Зүгээр л сайхан сэтгэлийн сайн үйлст баярлан талархаж, дэмжиж сурваас юутай сайн сан.

Сонгогдсон 100 гаруй бизнесийн мэдээллүүдийг уншаад би лав үнэхээр баярлаж бахадсан. Нийгэмд санаатай гэмээр тараагдаж буй хар бараан мэдээллүүдийн дунд ийм гэгээлэг хѳдѳлмѳр зүтгэл оршиж байгаа нь хамгийн сайхан урам байлаа. Маш олон хүмүүс хэн нэгэнд гомдоллож суулгүйгээр ѳѳртѳѳ байгаа боломжуудаараа баялаг бүтээж хүмүүст хүргэж байна. Хийх хүнд арга нь олдож, дургүй хүнд шалтаг нь олдоно гэдэгчилэн хүн бүхэн аргаа олоод амьдралаа сайнаар аваад явах боломж бидэнд байгаагийн жишээ энэ байлаа. Бүгдээрээ тэдэнд баяр хүргэж, тэднээр үйлчлүүлэн дэмжицгээе.

Амьдрал хүнд хэцүү байгаа бол эхлээд ѳѳрийнхѳѳ тухай бод. “Би хэн юм бэ?”, “Би юу хийж чадах вэ?”, “Би яаж амьдрах вэ?” гэдэг асуултаас ѳѳрийгѳѳ болон ѳѳртѳѳ байгаа чадвараа хайж ол. Ѳѳрийн хийж чадах зүйлээ сонгоод түүндээ дурлатлаа хѳдѳлмѳрлѳ, хичнээн амаргүй байсан ч даваад л гар. Ѳѳрийн дуртай ажлаа хийж түүгээрээ амьдралынхаа хэрэгцээгээ хангаж амьдарна гэдэг л аз жаргал байдаг юм даа.

*Нэгэн зүйл:

Хүмүүс бид ѳѳрѳѳсѳѳ асуудаг маш олон асуултын хариуг бусдаас олж авдаг. Бид заавал мѳнгѳ ѳгѳхгүйгээр бусдад тус болж чаддаг. Бусдад үлгэр болохоор сайн жишээнээс хүмүүс ѳѳртѳѳ итгэж урам авдаг. Ч.Ганжавхлангийн сонгож олон нийтэд түгээсэн 100 бизнесээр С1 ТВ нэвтрүүлэг хийж эхэлж байгаа гэсэн. Бие биенийхээ сайн үйлийг дэмжиж бусдад түгээхэд хамтран ажиллаж буй сайн жишээ. Ѳѳр хэн нэгэн энэ санаачлагыг дэмжин үргэлжлүүлж болно. Амжилт бүхэн хамтын хичээл зүтгэлийн үр дүн байдгийг мартаж боломгүй.

Аливаа үзэгдэлийг ямар ѳнцгѳѳс нь харахаас хүний мѳн чанар нь илэрдэг. Одоо бүгдээрээ хар бараан мэдээллүүд дундаас гэрэл гэгээтэй сайхныг нь олж харан бусдад түгээж байя. Заавал улстѳржилгүйгээр олон сайхан үйлсийг ѳѳрсдѳѳ санаачилж, бас хамтдаа дэмжиж байя. Амьдрал богинохон шүү дээ.

Харнууд овгийн Гомбосүрэнгийн Галбадрах

2021-05-09 Улаанбаатар хот

ШИНЭ ЗАРУУД

Зохиогчийн булан

БИД ЯАГААД БИЕ БИЕДЭЭ ДУРГҮЙ БАЙДАГ ВЭ?
БИД ЯАГААД БИЕ БИЕДЭЭ ДУРГҮЙ БАЙДАГ ВЭ?
09/24/2021
“Монголчууд бид цѳѳхүүлээ атлаа яагаад бие биенээ хайрлан, эв нэгдэлтэй байж болдоггүй юм бол?” хэмээн хааяадаа харуусан боддог. Харь оронд ажиллаж амьдарч байхдаа “буцаад очих эх орон гэдэг сэтгэлийн ямар их ѳмѳг түшиг, амьдралын минь нѳмѳр нѳѳлѳг, ирээдүйн минь итгэл найдвар болох”-ыг ямар ч сурталчилгаагүйгээр чин сэтгэлээсээ ойлгодог. Туурга тусгаар эх орны минь голомтыг сахин аж тѳрж буй та нарыг ч бас сэтгэлдээ хайрлана. Хѳгжлийн цаг хугацааны хуучин харгуйгаар бидэрч буй мэт хэдий боловч, ѳѳрсдѳѳ ухааран засч залруулах олон зүйлүүд байнаа. 1.ХУВИА ХИЧЭЭГЧ (дэлгэрэнгүй…)
ДУУНЫ ГЭРЭЛТ ХӨШӨӨ
ДУУНЫ ГЭРЭЛТ ХӨШӨӨ
Монголчууд дуунд гэрэлт хөшөө босгодог соёлыг дэлхийн соёлын түүхэнд анх авчрав. Монгол ухаан. Монгол нээлт. Төв талбайн өмнөх Наа багшийн “Халуун элгэн нутаг” дууны хөшөөнөөс аваад л орон даяаар лавтай зуугаад дууны хөшөө бий байхаа. Дуу, бөх хоёрыг манайхан шиг дээдэлдэг орон орчлонд үгүй мэт. Аварга цолтой харьсан бөх л бол төрийн тэргүүн. Эсвэл нийслэл хүрээний дарга. Их хуралдайн гишүүн “сарааз маёоор” болдог. Гавьяа байгуулсан дуучин л бол “төрийн нарийн”, “театр чуулгын дарга” болох ёс зөвхөн монголоос эхтэй. Өөр газар би дуулсангүй. Харсангүй. Майкл Жексон чуулгын дарга байсан тухайд
АВТО ЗАМЫН ТҮГЖРЭЛД НИЙТИЙН ТЭЭВРИЙН НѲЛѲѲ
АВТО ЗАМЫН ТҮГЖРЭЛД НИЙТИЙН ТЭЭВРИЙН НѲЛѲѲ
08/17/2021
Бараг 400 000 орчим тээврийн хэрэгсэл холхиж байдаг Улаанбаатар хотод замын түгжрэл асуулт дагуусан асуудал болоод удаж буй. Замаа ѳргѳтгѳх, метро болон дүүжин тээвэр гэх их мѳнгѳ шаардах тѳслүүд ярих хэдий ч одоогийн бодит нѳхцѳл байдлуудаа ѳѳрчлѳн сайжруулах талаар хэн ч ярихгүй юм. Байдлууд ямар байна вэ? *НИЙТИЙН ТЭЭВРИЙН МУУ БАЙДЛУУД: (дэлгэрэнгүй…)

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2021 Орлоо-Инфо ХХК.