05 сарын 16, Ням
°C
USD 2,849.77
USD 2,849.77
EUR 3,452.78
JPY 26.05
GBP 4,007.63
RUB 38.53
CNY 443.08
KRW 2.53

ЦАР ТАХАЛ ба ШИНЭ ОН

Дэлхий тэнхлэгээ эргэсэн 365 хоногийн үргэлжлэл болох жирийн энэ ѳдѳр, бид ЖИЛ хэмээн тоолж зогтусдаг. Ѳнгѳрсѳн ѳдрүүдийн багцаа эмхэлж дүгнээд угтах ѳдрүүдийн зорилгоо тѳсѳѳлнѳ. Дэлхий даяар тархсан цар тахлын улмаас олон хүн ѳвчилж, олон хүн үхэж буй түгшүүртэй ѳнгѳрүүлсэн 2020 он бидэнд олон сургамж үлдээв.

ДЭЛХИЙ ДАХИНД:

-Нэгэн бѳмбѳрцѳг дээр аж тѳрж буй хүмүүс бид байгаль орчин болон ан амьтаддаа ямар их хайргүй, ямар их гамгүй, ямар их харгис хандаж байсныг сэхээрүүлэв
-Нэгэн бѳмбѳрцѳг дээр зэрэгцэн оршиж буй улс гүрнүүд тусдаа хил хязгаартай ч, бие биенээсээ ямар их хамааралтайг бидэнд ойлгуулав


-Нэгэн амьдралын хэмнэлд хамтдаа амьдарч буй хүмүүс бид байгалийн гамшиг хийгээд, аюулт ѳвчин тахлын ѳмнѳ ямар ѳчүүхэн гэдгээ зовж мэдрэв
-Нэгэн дэлхий дээр хамтдаа аж тѳрж буй бидний амьдралын хэмнэл, хандлага, тэмцэл буруу байсныг сэхээрүүлэн ухааруулав

МАНАЙ МОНГОЛД:

-Mонголчууд бид эх түүх, хэл, уламжлалт зан заншил, үргэлжлүүлэн авч явах учиртай нэр тѳр, үнэт зүйлээсээ хэтэрхий холдож одсоноо хилэгнэн байж ойлгов
-Moнголчууд биднийг хатуу ширүүн уур амьсгал, генийн ѳѳрчлѳлтгүй органик хоол хүнс, нүүдэлчин амьдралаас үүдэлтэй дасан зохицох чадвар үндэсний дархлаа болон хамгаалж буйг тэсвэрлэн байж мэдрэв
-Монголчууд бидний хайхрамжгүй хэнэггүй араншин, хувиа хичээсэн атгаг зан, харанхуй бүдүүлэг хандлага бидний эв нэгдэл, хѳгжилд саад болж буйг халаглан байж анзаарав
-Монголчууд бидний айдсаас улбаалсан зусардалт, зусардалтаас шалтгаалсан улстѳрийн сонголт буруу байгааг ѳвчин тахлын үеийн улстѳржилт нотлов
-Монголчууд бид бие биенээсээ холдож, бие биенээ хайрлахаа больж, бие биендээ итгэхээ больсоныг ѳдгѳѳ бидний үйлдэл хандлагууд нотлон харуулав

ХАРИН ХҮМҮҮС БИДЭНД:

-Хүмүүс бид цаг хугацааны болон мѳнгѳний боол болж, амьдралын зорилгоо буруугаар тѳсѳѳлж байснаа ойлгож эхэлж байна. Их мѳнгѳ, хязгааргүй эрх мэдэл ѳвчин үхлийн ѳмнѳ зүгээр л хумхийн тоос мэт болохыг бодитоор харж байна
-Хүмүүс бид зорьж бүтээсэн гэр бүлийн амьдралдаа хайхрамжгүй хандаж, гадаад ертѳнцѳд хэтэрхий шунаж байснаа ойлгож эхэлж байна. Хүний амьдралын халуун дулаан оромж болох гэр бүл бидэнд ямар эрхэм болохыг бодитоор харж байна
-Хүмүүс бид хайртай дотно хүмүүстэй “хайртай” гэж хэлэвч сэтгэлээсээ бус байсныг ойлгож эхэлж байна. Сошиал донтолт, хайртай хань болон үр хүүхдүүдийн сэтгэлийн орон зайгаас ямар их холдуулсаныг бодитоор харж байна
-Хүмүүс бид ѳдѳр тутам уулзаад л ѳнгѳрдѳг бусад хүмүүсээс бидний амьдрал ямар хамааралтай болохыг ойлгож эхэлж байна. Хамтдаа засч залруулахгүй бол бүдүүлэг хэнэггүй тэнэг хүмүүс биднийг үхэл рүү хѳтѳлж аваачиж болохыг харж байна
-Хүмүүс бид ухамсартайгаар хувиа хичээж, ѳѳрийгѳѳ зѳв сайнаар авч явах нь бусдад хүргэж болох сайн тус дэм гэдгийг ойлгож эхэлж байна. Жижигхэн юм шиг атлаа чиний зѳв хандлага санамсаргүй юм шиг атлаа бусдад тус болж чадахыг харж байна

Үхлийн аюул авчирч байгаа ч энэ цар тахал нэгэн дэлхий дээр амьдарч буй биднээс их ѳѳрчлѳлтийг шаардаж буй. Хүн тѳрѳлхтѳн бид эв нэгдэлтэй байж, хамтран ажиллаж байж ХАМТДАА ЭНЭ ЗОВЛОНГ ДАВНА. Бид байгаль орчин болоод ан амьтадыг ѳѳрсѳдтэйгээ адил хайрлан хамгаалж байхад суралцаж байна. Дэлхийн түвшинд даяаршилсан нийгэмшилийг онлайн хѳгжил авч ирэх болно. Тэгэхээр бид, ирэх жилүүдийн амьдралын зорилгоо тѳлѳвлѳхдѳѳ, хандлагаа ѳѳрчлѳхѳѳс эхэлж таарна байх.

ТА ДАРААХ АСУУЛТУУДАД ѲѲРТѲѲ ХАРИУЛААД ҮЗ ДЭЭ?

-Зүгээр л бусдын ѳѳдѳѳс харж мэндлээд инээмсэглэх тийм хэцүү юу?
-Авто машинаа жолоодохдоо бусдыг хүндлэн, яаралгүй явах тийм хэцүү юу?
-Ѳѳрѳѳс гаргаж буй нус цэр, шүлсээ гудамж талбайд хаялгүй, алчуур салфетка хэрэглэх нь тѳвѳгтэй юу?
-Замд тааралдах хог хаягдлыг хогийн саванд хийчихээд явах нь тийм тѳвѳгтэй юу?
-Хэн нэгний урдуур хѳндѳлдѳѳд байлгүй зай тавиад ѳнгѳрѳх тийм хэцүү юу?
-Заавал бүдүүлэг үгээр харааж зүхээд байлгүй ярилцах тийм хэцүү юу?

Шинэ 2021 он гарлаа. Та ѳѳрийгѳѳ толинд хар даа. Ямар сайхан харагдаж байна гээч. Сайхан харагдаж байгаа шигээ бусдад сайхан хандах тийм ч хэцүү биш. Шинэ онд ХАНДЛАГАА ѲѲРЧЛѲХѲД л бүх зүйл сайхан болно доо.

Харнууд овгийн Гомбосүрэнгийн Галбадрах

2021-01-03
Улаанбаатар хот

ШИНЭ ЗАРУУД

Зохиогчийн булан

БҮТЭН ЖИЛ
БҮТЭН ЖИЛ
01/29/2021
…Зѳндѳѳ олон жил ажиллаж амьдран, юм үзэж нүд тайлахдаа ѳѳрийн тѳлѳвшилѳѳ эерэгээр ѳѳрчлѳхѳд дэм болсон харь орноос, эх болсон Монгол нутаг руугаа зорьж ирээд яг нэг жил болж байна. Жавар тачигнасан цэнгэг агаартай энэ ѳглѳѳ Улаанбаатар хотод газардаж билээ. Олон жилийн дараа харь орноос ирээд “тэнгэрийн юм” бодож, “тэнгэрийн юм” ярьдаг гэж найз нѳхѳд анхааруулж байсан. Дасал болсон ахуйгаа мартаж орхисон ахуйтайгаа жишин халаглах үе зѳндѳѳ байсаан, нуулгүй хэлэхэд. Харьд олон жил амьдраад нэг л ѳглѳѳ “Би ер нь яагаад энд байгаад байх ёстой гэж? Нас ахиж буй надад ѳѳрийн эх орон, ѳѳрийн ахуй
ШИНЭ ҮЕИЙНХЭНИЙ ЗАСГИЙН ГАЗАР
ШИНЭ ҮЕИЙНХЭНИЙ ЗАСГИЙН ГАЗАР
01/23/2021
Сүүлийн хоёр хоногийн дотор санаандгүй үйл явдал болж ѳрнѳв. Хүн бүхэн ѳѳр ѳѳрийн ѳнцгѳѳс харж дүгнэж байгаа. Улстѳрийн тоглолт, улстѳрчдийн жүжиглэлийн талаар тѳсѳѳллѳѳс цаашгүй болохоор бодит бус баримтууд дээр дүгнэлт хийх хэцүү. Миний хувьд ѳрнѳсѳн асуудлуудаас хэд хэдэн эерэг тал харж байна. Дѳнгѳж тѳрсѳн эхийг хүүхэдтэй нь хамтад хүйтэнд нимгэн хувцастай нь ХѲСҮТ-д шилжүүлж авч явсан нь олон хүмүүсийн дургүйцлийг тѳрүүлж, маргааш нь залуус УОК-ыг огцрохыг шаардаж жагссан нь хүний эрхийн тѳлѳѳ улстѳржилтгүйгээр тэмцсэн шинэ үзэгдэл байлаа. Гэхдээ үүнийг улстѳрийн зорилгоор ашигласан
“БИ”- гээр ѲВЧЛѲГСѲД
“БИ”- гээр ѲВЧЛѲГСѲД
12/01/2020
Хэзээ ч давтагдашгүй БИ хэмээх бодьгалаас хүн тѳрѳлхтѳн бүрэлддэг. Бие биетэйгээ яг адилхан байх боломжгүй бидний амьдрал бие биенээсээ дэндүү хамааралтай. Бусдад таалагдаж амьдрах, бусдад муу хэлэгдэхгүй бас муу үзэгдэхгүйг хичээх амьдрал ѳѳрийн хэмнэлтэй. Ѳѳрийн биеийг ихэд бодож, ѳрѳѳл бусдаас тодорч амьдрах хүсэл зовлонгийн нэгэн шалтгаан болдог. *НАДАД ТААЛАГДАХГҮЙ БАЙНА Сошиал сүлжээнд ѳѳрийгѳѳ их нѳлѳѳтэй гэж бодож дүгнэдэг хүмүүс цѳѳнгүй бий. Бүх зүйлийг ѳѳрийнхѳѳрѳѳ дүгнэдэг тэд, ѳѳрийг нь дагаж магтаагүй ѳѳрѳѳс нь ѳѳрѳѳр сэтгэн үйлдэж байгаа хэн нэгэнд дургуйцлээ илэрхийлнэ.

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2021 Орлоо-Инфо ХХК.