“МАКЛАРЕН-ХОНДА”-ГИЙН НИСГЭГЧ ОСОЛДЖЭЭ

“Формула-1” уралдаанд оролцох “Макларен-Хонда” багийн нисгэгч Фернандо Алонсо улирлын ээлжит уралдааны жолоодлогын бэлтгэлээ дуусгах сүүлийн өдөр буюу өчигдөр осолд орон эмнэлэгт хүргэгджээ.

Испани улсын Барселон хотын “Каталунья” мотоспортын уралдааны замын гурав болон дөрөвдүгээр эргэлтийн хамгаалах зурвасыг тэрбээр мөргөсөн тухай “Формула-1”-ийн цахим хуудсанд бичсэн байна.

“Фернандо Алонсо ухаан орсон. Түүний бие сайн байгаа” гэж “Макларен-Хонда” багийнхан твиттер хуудсандаа бичжээ.

Г.Доржханд