Олон улсын хөлбөмбөгийн холбооноос захидал ирүүлжээ

Монголын хөлбөмбөгийн холбоо саяхан Их хурлаа хийж, ерөнхийлөгчөөрөө А.Ганбаатарыг сонгосон билээ. Тэгвэл үүнтэй холбоотойгоор Олон улсын хөлбөмбөгийн холбооны ерөнхийлөгч Зеф Блатер МХБХ-ны ерөнхийлөгчид А.Ганбаатарт захидал илгээсэн байна.

Уг захидалд “Таны мэдлэг туршлага монголын хөлбөмбөгийн тогтвортой хөгжилд чухал нөлөө үзүүлнэ гэдэгт итгэлтэй байна. Монголын хөлбөмбөгийн хөгжлийн төлөө миний бие хувийн зүгээс болон ОУХБХ-ны зүгээс туслаж дэмжихэд бэлэн байх болно. Мөн цаашдын хамтын ажиллагаа болон хөлбөмбөгийн спорт болон түүний удирдлагатай хамаарах аливаа холбогдох асуудлаар ярилцахыг хүсвэл ОУХБХ-ны үүд хаалга үргэлж нээлттэй байх болно” гэжээ. Үүнээс гадна Азийн Хөлбөмбөгийн Холбоо /AFC/, Японы Хөлбөмбөгийн Холбоо болон Кувейтийн Хөлбөмбөгийн Холбооноос мөн баяр хүргэсэн захидал ирүүлсэн байна.

П.Жаргал