Үндэсний шигшээ баг маргааш Зүүн Тиморын багтай тоглоно

Монголын хөлбөмбөгийн үндэсний шигшээ баг ням гарагт Зүүн Тиморыг зорисон билээ. 2018 оны Дэлхийн аварга шалгаруулах тэмцээний урьдчилсан шатны тоглолтод Монгол-Зүүн Тиморын багууд учраа таараад байгаа юм.

Энэхүү тоглолт Зүүн Тиморт гуравдугаар сарын 12-ны өдөр буюу маргааш болно. Харин хариу тоглолт энэ сарын 17-нд Улаанбаатар хотноо болох юм байна. Үндэсний шигшээ багийн ахлах дасгалжуулагчаар “Үндэсний Нийслэл Лиг-2014” тэмцээний ялагч "Хоромхон" клубийн дасгалжуулагч АХБХ-ны дасгалжуулагчийн “В” зэрэглэлтэй С.Пүрэвсүх, туслах дасгалжуулагчаар Б.Ганбат, хаалгачийн дасгалжуулагчаар Ш.Баянжаргал нар томилогдсон аж.

П.Жаргал