ДЭЛХИЙТЭЙ ТӨСТЭЙ ГАРАГ ИЛЭРЧЭЭ
ВАШИНГТОН. /VOA/. Гадаргуудаа шингэн устай байж магадгүй, дэлхий шиг хэмжээтэй гарагийг илрүүлсэн гэж АНУ-ын сансар судлалын НАСА агентлаг мэдэгдлээ.
НАСА-гийн мэдэгдсэнээр, "Kepler-186f" гарагийг тойрог замын "Kepler" телескопыг ашиглан илрүүлжээ.
Тус гариг нь дэлхийгээс 500 гэрлийн жилийн зайтай оршдог, дэлхийгээс ойролцоогоор 10 дахин том бөгөөд нарыг 130 хоногт нэг удаа тойрдог аж.
НАСА-гийн одон орон судлаачдын хэлснээр, "Kepler-186f" хадархаг байж магадгүй бөгөөд нарнаас тохиромжтой зайд, тодруулбал, гадаргуугийнх нь усыг шингэн хэвээр байлгахуйц газарт оршиж байна.
Өнгөрсөн хугацаанд дэлхийтэй төстэй гарагуудыг илрүүлж байсан ч тэдгээр нь наранд хэтэрхий ойр оршиж байсан юм.
Уг нээлтийн тухай дэлгэрэнгүй мэдээлэл шинжлэх ухааны "Science" сэтгүүлийн өнөөдрийн дугаарт гарах ажээ.
Г.Доржханд
