“SK Telecom” компани Монголын компанитай гэрээ байгуулжээ

СӨҮЛ. /Yonhap/. Өмнөд Солонгосын үүрэн холбооны хамгийн том компани болох “SK Telecom” дэлхийн зах зээлд эзлэх байр сууриа бэхжүүлэх зорилтынхоо хүрээнд Тайвань, Монголын компаниудтай хөдөлгөөнт холбооны сүлжээний шийдлээр хангах тухай гэрээ байгуулжээ.

Испанийн Барселона хотод болсон “Mobile World Congress” хуралдааны үеэр, Тайваний “Mobile Co” болон Монголын “Skytel Group” компаниудтай санамж бичигт гарын үсэг зурсан гэж “SK Telecom” мэдэгджээ. Энэ нь урт хугацааны хөгжлийн сүлжээ, гар утасны шийдлийг бий болгох ажлын эхлэл юм.

Д.Нямтулга