АККРА. /ВВС/. Гана улсын нийслэл Аккра хотын шатахуун түгээх станцад гал гарсны улмаас 150 хүн амиа алдсан гэж тус улсын Ерөнхийлөгч мэдэгджээ.Аккра хотод хоёр хоног орсон аадар борооны улмаас олон иргэн гэр орон болон цахилгаангүй болсны хажуугаар лхагва гарагийн шөнө гал түймэр гарсан байна.
НЬЮ-ЙОРК. /ITAR-TASS/. Гавлын ясны хэсэг болон хуйх шилжүүлэн суулгах дэлхийн анхны мэс заслыг Америкийн Техас муж улсын эмч нарын баг амжилттай хийж чаджээ. Энэ тухай Ассошиэйтед Пресс агентлаг мэдээлсэн байна.
МОСКВА. /ITAR-TASS/. Тавдугаар сарын 9-нд Аугаа эх орны дайны ялалтын 70 жилийн ойд зориулсан парадын үеэр үзүүлсэн шинэ загварын хуягт техникийг Энэтхэг, Хятад болон Зүүн Өмнөд Азийн орнууд сонирхож байна. Энэ тухай ОХУ-ын Ерөнхийлөгчийн цэрэг-техникийн асуудал хариуцсан туслах Владимир Кожин “Известия” сонинд мэдээлжээ.
