БРАЗИЛИА. /NHK/. Бразилын Ерөнхийлөгч Дилма Руссеффийн бүрэн эрхийг албан ёсоор түдгэлзүүллээ. Тэрбээр буруугүй гэдгээ нотлон харуулахын тулд шүүхийн хурлын үеэр энэ шийдвэрийг няцаан шийдвэртэй тэмцэхээ мэдэгдсэн байна.

НАЙРОБИ. /Time/. Дадааб хот дахь дүрвэгсдийн хуаранг хааж, тэнд байгаа хэдэн зуун мянган хүмүүсийг эх орон руу нь буцаах эсвэл бусад орон руу шилжүүлэх хуваарийг боловсруулж байна гэж Кенийн Дотоод хэргийн яам мэдэгдсэнийг НҮБ-ын тусламжийн байгууллагууд буруушаалаа.

БЭЭЖИН. /Xinhua/. АНУ-ын Ерөнхийлөгч Барак Обама энэ сард Хирошимад айлчилна гэж Япон болон АНУ-ын Засгийн газрууд мэдэгдсэн билээ. Үүнтэй холбогдуулан БНХАУ-ын Гадаад хэргийн яам мэдэгдэхдээ "гадаадын зочныг Хирошимад айлчлуулж байгаа нь Япон улс дахин хэзээ ч милитаризмын замаар явахгүй гэдгийг батлан харуулах учиртай" гэжээ.