Г.Дэнзэнг хорих хугацааг сунгав
" Эрдэнэс Таван толгой" компанийн ТУЗ-ийн дарга асан Г.Дэнзэнг хорих хугацааг сунгасан байна. Уг нь түүний эхний хорих хугацаа энэ сарын 10-ны өдөр дуусах байсан юм.
АТГ-аас түүнийг албан тушаалаа урвуулан ашиглаж, улсад их хэмжээний хохирол учруулсан байж болзошгүй гэсэн үндэслэлээр сэжигтнээр татан өнгөрсөн тавдугаар сарын 18-наас саатуулаад байгаа. Түүнийг цагдан хорих 14 хоногийн хугацаа дуусах дөхсөн тул ийнхүү хорих хугацааг хоёр сараар сунгажээ.
Ж.Батсайхан
Эх сурвалж: www.montsame.mn