М.Батчимэг гишүүний зөвлөх Тайванийн тагнуул байжээ
Манай улсын хоёр иргэн өнгөрсөн наймдугаар сард эх орноосоо урвасан хэргээр шүүхээс ял сонссон билээ. Түүний нэг болох З.Пагамжав нь УИХ-ын гишүүн М.Батчимэгийн зөвлөх байсан бөгөөд Тайванийн тагнуул байсныг нь шүүхээс тогтоосон байна.
Уг хэргийг шүүх хурал өнгөрсөн сарын 26-нд Эрүүгийн хэргийн анхан шатны шүүхэд болж, Пагмажавт эх орноосоо урвасан хэргээр 16 жилийн ял оноосон юм. Шүүхээс З.Пагмажавыг Тайвань руу Монгол Улстай холбоотой мэдээлэл гаргадаг байсныг тогтоож, Эрүүгийн хуулийн 79.1-ээр зүйлчилж дээрх ялыг оноосон байна.
З.Пагмажав нь УИХ-ын гишүүн М.Батчимэгийг Ерөнхийлөгчийн Үндэсний аюулгүй байдлын бодлогын зөвлөхөөр ажиллаж байх үеэс л зөвлөхөөр нь ажиллаж байсан нэгэн аж. М.Батчимэг гишүүний хувьд Тайвань улсад 2005-2008 оны хооронд Тайбэй дахь Улаанбаатарын худалдаа, эдийн засгийн газрын төлөөлөгчийн газрын тэргүүнээр ажиллаж байсан билээ.
Тэгвэл энэ асуудлаар цахим ертөнцөд багагүй шүүмж өрнөж эхэллээ. Аюулгүй байдал гадаад бодлогын байнгын хороон дэд дарга ,Монгол-Хятадын парламентын бүлгийн дэд дарга, УИХ-ын гишүүн М.Батчимэг "#Зөвлөхөө тагнуул гэдгийг мэдсээр байж авсан уу! Эсвэл үнэхээр мэдээгүй байхад нь хэн нэгэн зөвлөхөөр нь шургуулж орхивуу" гэлцэж байна.
Мөн үүнээс гадна ноцтой мэдээлэл нь Ерөнхийлөгч Ц.Элбэгдоржийн Өршөөлийн тухай хуульд тависан хоригийг улстөрчид хүлээж авахаар болсон нь эх орноосоо урвасан гэгдэж байгаа З.Пагмажавыг Өршөөлийн тухай хуульд хамруулахаар тохиролцсон гэж "цэнхэр шувуу" жиргэж байна.
М.Батчимэг гишүүний тухайд:
П.Жаргал