“Америкийн өнгө” нэвтрүүлэг, Д.Өнөрсайхан, Бизнес семинар

"2008 оны байдлаар 3 тэрбум 300 сая гар утас хэрэглэгч, 4 тэрбумаас илүү утсан харилцаа холбооны хэрэглэгч байгаа нь технологийн дэвшлийн хурдцыг харуулахаас гадна дэлхий нийтийн хэмжээнд бизнесийн таатай орчин, хүмүүс хоорондын харилцааны тааламжтай байдлыг бүрдүүлж байна. Түүнээс гадна жилийн худалдааны дүн нь 10 тэрбум доллараас багагүй, сүүлийн 5 жилд байнга ашиг орлого, хөрөнгийн хэмжээ нь нэмэгдэж байгаа дэлхийн тэргүүлэгч 2500 компанийг тодруулахад, 25% нь өөрийн төрсөн газар нутгаасаа илүүтэй өөр улс оронд компаниа байгуулж амжилтанд хүрчээ.
Өөрөөр хэлбэл, өнөө цагт хүртэж болох боломжуудыг ашиглан бизнесээ өргөжүүлж, Америкийн зах зээлд нэвтэрч, үйл ажиллагаагаа явуулж буй иргэдэд Вашингтон Ди Си орчимд байрлах “Royalty Consulting” компани бизнесийн болон татварын асуудлаар зөвлөгөө өгч ирлээ. Мөн тус компани, манай “15 минут” студийн “Америкийн өнгө” нэвтрүүлэгтэй хамтарч, энэ оны 12 сарын эхээр Улаанбаатар хотноо бизнесийн зөвлөгөө өгөх семинар зохион байгуулах гэж байна. Энэ талаар “Royalty Consulting” компанийн захирал Доржийн Өнөрсайхантай уулзаж бэлтгэсэн шинэ дугаарыг энд дарж хүлээн авна уу.

Манай студитай холбогдох хаяг: min15studio@yahoo.com"