Керри энэ сард Египет, Саудын Аравид айлчилна

ВАШИНГТОН. /TASS/. АНУ-ын Төрийн нарийн бичгийн дарга Жон Керри дөрөвдүгээр сарын 20-21-нд Египет болон Саудын Аравид айлчилна. Энэ тухай Америкийн Төрийн департаментын хэвлэлийн албаны дарга Жон Кирби мэдээлжээ.

Кирби-гийн хэлснээр, Төрийн департаментын тэргүүн дөрөвдүгээр сарын 20-нд Египетийн Ерөнхийлөгч Фаттах ас-Сиси болон тус улсын Гадаад хэргийн сайд Самех Шукри нартай уулзаж, хоёр талын сонирхож буй болон бүс нутгийн асуудлуудыг хэлэлцэнэ.

Дараагийн өдөр нь АНУ-ын Төрийн нарийн бичгийн дарга Ерөнхийлөгч Барак Обамагийн хамт Персийн булангийн Арабын орнуудын хамтын ажиллагааны зөвлөлийн дээд хэмжээний уулзалтад оролцохоор төлөвлөжээ.