07 сарын 11, Бямба
°C
USD 2,832.22
USD 2,832.22
EUR 3,194.46
JPY 26.51
GBP 3,565.62
RUB 39.83
CNY 404.12
KRW 2.36

Канад Улсад суугаар Элчин сайд Д.Готов Ванкувер хотноо ажиллалаа

 Монгол Улсаас Канад Улсад суугаа Элчин сайд Д.Готов арванэнэгдүгээр сарын 15-18-ны өдрүүдэд Канадын Ванкувер хотноо ажиллалаа. 

Тэрбээр Бритиш  Колумби мужийн Дээд боловсролын Сайд ноён Мурей Коуэл, Бритиш Колумбын Их сургуулийн Бизнесийн сургуулийн Декан Даниел Музыка, Симон Фрейзерийн Их сургуулийн дэргэдэх Бизнесийн сургуулийн  Гадаад харилцаа эрхэлсэн Гүйцэтгэх захирал Рик Колборн нартай уулзаж, хоёр орны их, дээд сургуулиудын хооронд хэлхээ холбоо тогтоох, оюутан солилцох зэрэг асуудлыг тавьж, хамтран ажиллах боломжийн талаар ярилцлаа. Уулзсан хүмүүс хамтарч санхүүжилт олох, Монголын компаниудын удирдах албан тушаалтнуудад бизнесийн удирдлагын чиглэлээр тусгайлсан сургалт явуулж болох, цаашилбал монголын талтай хамтарч бизнесийн чиглэлийн сургалтын хөтөлбөр зохион явуулах боломжтой талаар санал бодлоо хэлж байв.

Канадын Ази, Номхон далайн Сангийн Гүйцэтгэх Захирал хатагтай Жил Прайстай уулзаж, Сангийн шугамаар явуулж буй үйл ажиллагаандаа Монголыг түлхүү хамруулах боломжийгхайж ажиллахыг хүсэв. АНД-н Сангаас Канадын  Ази, Номхон далайн орнуудтай явуулж буй бодлого, үйл ажиллагааны талаар судалгаа хийж, санал зөвлөмжөө Засгийн газартаа танилцуулдаг юм.

    Мөн үеэр Элчин сайд Ванкувер хотноо аж төрж буй Монгол иргэдтэй уулзаж ярилцан, санал хүсэлтийг нь сонсов. Манай иргэд эзэмшсэн мэргэжил, дадлага туршлагадаа тулгуурлан дор бүрнээ эрхэлсэн ажилдаа шамдан, амьдрал ахуйгаа төвхнүүлэн ажиллаж байгаа юм байна. Тэдний хувьд Монголоос ах  дүү, садан төрлөө урих ялангуяа өндөр настай эцэг эхээ  Канад орныг үзүүлэх, ач, зээтэй нь уулзуулах зорилгоор урьж авчрахад визийн хүндрэл гарч байгааг ярьж, энэ байдлыг харгалзан үзэхийг канадын талд ойлгуулж өгөхийг Элчин сайдаас тусгайлан хүсч байв. Манай иргэд 2010 оны Ванкуверийн Өвлийн олимпод оролцох өөрийн орны баг тамирчдад дэмжлэг үзүүлэх хүсэл сонирхолтой байгаагаа мөн илэрхийлж байлаа.

Элчин сайд уулзалтын үеэр яригдсан асуудлуудыг  нааштайгаар шийдэхэд ЭСЯ-ны зүгээс анхаарч ажиллахаа илэрхийлж, өөрийн иргэдээ бүрэн бичиг баримттай байх, бүртгэлтэй байх, шинээр төрсөн хүүхдүүддээ гэрчилгээ авах зэрэг бүртгэлтэй холбоотой ажлыг журмын дагуу сайтар хийлгэж байхыг зөвлөж, тавьсан асуултад хариулав. Элчин сайд иргэдэд Монгол-Канадын хамтын ажиллагааны өнөөгийн байдлын талаар танилцуулж, хоёр орны хамтын ажиллагааг өргөжүүлэн хөгжүүлэхэд гар бие оролцон, ЭСЯ-тай хамтран ажиллахыг уриаллаа. Иргэд уриалгыг дэмжиж байгаагаа илэрхийлж, ойрын үед Монгол иргэдийн холбоо байгуулж ажиллах талаар ярив. Уулзалтад 80 шахам Монгол иргэд оролцов.

Элчин сайд Д.Готов 2008 оны арваннэгдүгээр сарын 14-17-ны өдрүүдэд Канадын Ванкувер хотноо болсон "Орчин цагийн Монгол Улс: Шилжилт, хөгжил, нийгмийн өөрчлөлтүүд" сэдэвт  олон улсын бага хуралд ЭСЯ-ны Зөвлөх Д.Гансүхийн хамт  оролцсон юм. Элчин сайдыг Канадын Бритиш Колумби муж дахь Өргөмжит консул Т.Роббинс дагалдан ажиллалаа.

 

ШИНЭ ЗАРУУД

Зохиогчийн булан

ЭНЭ СОНГУУЛЬ миний бодлоор…
ЭНЭ СОНГУУЛЬ миний бодлоор…
06/26/2020
8 дахь удаагийн УИХ-ыг сонгох 2020 оны сонгуулийн дүн гарлаа. Ард олон тѳсѳѳлѳмгүй сонголт хийдгийн бас нэгэн жишээ болов. Таалагдсан ч эс таалагдсан ч бид дүнг хүлээн зѳвшѳѳрч, хийрхлээсээ амьсгаа даран зогтусаж бодит байдлыг эргэцүүлэн дүгнэх хэрэгтэй болж байна. МИНИЙ ДҮГНЭЛТ 1. Ард олон худлаа ярих, хийрхэхээс залхжээ. Сайн муу хэлэгдлээ ч МАН, олон жил үргэлжлэн гамшигийн хэмжээнд хүрсэн УБ хотын утааг багасгасан, дэлхий даяар аюул болоод буй цар тахлыг дотооддоо барьж, гаднаас ирсэн халдвартай хүмүүсийг эмчилж чадаж байгаа нь олон нийт дэмжих шалтгаан болов. 2. Энэ сонгуульд МАН шинэ
ЭНЭ СОНГУУЛЬ НИЙГМИЙГ ѲѲРЧЛѲХ ҮҮ?
ЭНЭ СОНГУУЛЬ НИЙГМИЙГ ѲѲРЧЛѲХ ҮҮ?
06/16/2020
Дахиад л гомдоллон гоншигнож, шүүмжлэн эгдүүцэж, доромжлон шоолохгүйн тул энэ сонгууль нийгмийг ѳѳрчлѳх эхлэл нь байх ёстой, бүр заавал шүү. Иргэн бүр нь, залуус бүр нь үүний тѳлѳѳ заавал сонгуульд оролцон “Үндсэн хууль”- д заасан эрхээ эдлэн саналаа ѳгѳх хэрэгтэй болж байна. “Дараагийн удаа” хэмээн хойш тавих цаг хугацаа бүхэн чиний залуу нас, хүсэл мѳрѳѳдлийг тань залгиж байгааг болиулах шаардлагатай байна. Ядаж л ѳѳрийн дуртай ажлаа хийж, олсон орлого тань амьдралд тань хүрэлцэж, илүү дутуу зүйлд шаналахгүйгээр тайван амьдрахын тулд СОНГОЛТОО ЗѲВ ХИЙХ ёстой боллоо. Энэ сонголтоос би юу
ЭНЭ СОНГУУЛЬ МИНИЙ БОДЛООР…
ЭНЭ СОНГУУЛЬ МИНИЙ БОДЛООР…
05/31/2020
УИХ ын 2020 оны ээлжит сонгуульд оролцохоор 13 нам, 4 эвсэл, 137 бие даагчид бүртгүүлжээ. Хэдхэн хоногийн дараа нэр дэвшигчид албан ёсоор тодрон СЕХ ноос баталгаажина. Ѳѳ тэгээд энэ хооронд их юм болж байгаа бололтой. Зарим намын дарга нар нэр дэвшигчидээ “мурьж”, тойргоо хоорондоо наймаалцаж, намаасаа жийгдсэн зарим нь ѳѳр намд хадаг барин гуйж, сонгуульд ялах боломжгүй нь боломжтой зарим хүнтэй тохиролцоо хийж, хѳшигний ард улстѳрийн наймаа явагдаж байгаа. *ХҮМҮҮС ЯАГААД ИНГЭЖ УЛАЙРААД БАЙНА ВЭ? 1. Улс тѳр нь бизнес болон хувирсан Монголын хувьд, сонгууль нь бас бизнес болон хѳгжжээ.

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2020 Орлоо-Инфо ХХК.