02 сарын 24, Бямба
°C
USD 3,386.98
USD 3,386.98
EUR 3,667.76
JPY 22.50
GBP 4,291.30
RUB 36.42
CNY 470.56
KRW 2.55

УРАН ҮГСИЙН ЧУУЛГАН

МОНГОЛ  УТГА ЗОХИОЛ АНУ-д  
    Монгол утга зохиолоо сурталчлах зохиолч уншигчдаа уулзуулах уламжлалт УРАН ҮГСИЙН ЧУУЛГАН    2012 оны 11 сарын 10,11-нд Чикаго хотноо болно. Энэхүү уран үгсийн чуулганы хүрээнд зочиддоо Чикаго хотоо танилцуулах аялал , Уран уншлагын ТУЛГА наадам , зохиолч уншигчдын уулзалт яруу найргаар хөглөгдсөн СЭТГЭЛИЙН ЯРУУСЛААР  бүжиг цэнгүүн хосолсон найргийн баяр болно . Уран үгсийн энэ удаагийн чуулганд  Монгол улсын төрийн шагналт Ардын зохиолч Пунцагийн Бадарч , Монголын Зохиолчдын Эвлэлийн гүйцэтгэх захирал яруу найрагч Гомпилдоогийн Мөнхцэцэг , Монголын Радиогийн утга зохиол соёлын газрын захирал уншигч олондоо АМЬДРАЛАА БИ ЧАМД ХАЙРТАЙ дуугаараа хайрлагдсан Нацагдоржийн шагналт яруу найрагч Данзангийн Нямаа , нэгэн цагт Монголын яруу найргийн модернист фронтыг Жуков жанжин шиг командлан олон сайхан шүлэг найргаа энэ чиглэлээр туурвин уншигч олондоо хүндлэгдсэн яруу найрагч Баатарын Галсансүх , уран уншлагын нэрт мастер Монгол улсын гавъяат жүжигчин Дамбийнямын Жагдаг,Радио Телевизийн дээд сургуулийн багш Мөнхийн Шийрэв нар хүндэт зочноор оролцоно.
                              УРАН УНШЛАГЫН ТУЛГА НААДАМ
   Чуулганы хүрээнд уран уншлагын ТУЛГА наадам  2012-11-10-нд зохиогдох бөгөөд    ГУРВАН даваатай явагдана.

                                            1.  НЭГИЙН ДАВАА

              Нэгийн даваанд Монгол яруу найргийн яруу тансагийг бүрнээ илтгэдэг дараахи шүлэг найргуудыг уншиж өрсөлдөнө. ҮҮНД :
1.                  БИ ХААНА ТӨРӨӨ ВЭ .                                                            Б. Явуухулан
2.                  БОРЖИГОНЫ БОР ТАЛ .                                                        Б. Лхагвасүрэн
3.                  ТУСГААР ТОГТНОЛ .                                                               Д.Пүрэвдорж
4.                  СУМЫН НААДАМ ДЭЭР.                                                         Д.Пүрэвдорж
5.                  МИНИЙ ШҮТЭЭН.                                                                     Р.Чойном
6.                  БУРИАД.                                                                                 Р.Чойном
7.                  ЦЭРГИЙН ХАР.                                                                      Б.Лхагвасүрэн
8.                  ХАРАМЧИЙНХНЫ ДУУЛЬ.                                                      Д.Цоодол
9.                  ЧУЛУУНЫ МАГТААЛ.                                                               Т.Очирхүү
10.              ДӨРВӨН ЦАГ.             /  ЗУН /                                                     Д.Нямсүрэн
11.              ДӨРВӨН ЦАГ.             /  ӨВӨЛ  /                                                 Д.Нямсүрэн
12.              СУМЫН ЗААН.                                                                         Ч.Мягмарсүрэн
13.              ҮНЭЭДЭЙН НЮТАГ ДАХЬ НАТЮРМОРТ                               Б.Галсансүх
14.              ЭХИЙН СЭТГЭЛ                                                                             П.Бадарч
15.              БИ МОНГОЛ ХҮН.                                                                          Ч.Чимид
16.              СЭГС ЦАГААН БОГД                                                                    Д.Пүрэвдорж

                                             2.   ХОЁРЫН ДАВАА
      Оролцогчид хоёрын даваанд богино өгүүллэгийн төрлөөр өрсөлдөнө.ҮҮНД:

1.  ХӨДӨӨ ТАЛЫН ҮЗЭСГЭЛЭН.                                                            Д.Нацагдорж
2.  ХУЛАН БИД ХОЁР.                                                                               С.Эрдэнэ
3.  ДИВААЖИНД ХҮРЭХ ОНЬС.                                                              С.Эрдэнэ
4.  НОХОЙ ГЭРТ ХҮН УРДАГГҮЙ.                                                          Ц.Доржготов
5.  ШИНЭ КИНО.                                                                                           Ц.Доржготов
6.  МӨНХРӨХ  ХҮСЭЛ.                                                                                Д.Батбаяр
7.  ХАЙРЫН  ЗУРВАС.                                                                                  Ж.Лхагва
8.  ЦАСТ  УУЛЫН  ЧУЛУУ.                                                                          Ж.Лхагва
9.  ЦЭГЦЭРИЙН ШАР ТАЛД.                                                                       Д.Намсрай
    10.  СҮҮЛЧИЙН ХОРЧИН.                                                                              Д.Энхболд
    11.  АРВАНГУРАВДУГААР ЗУУН.      /  Романы хэсгээс  /                         Д.Энхболд
    12.  АЛТАН ЖҮН ЖОР.                                                                                Д.Цэнджав
    13.  ЦЭЦЭГ НЯЛХАРСАН ЗУН.                                                                      Ж.Дашзэвэг
    14.  ХАР  АЯ.                                                                                              Г.Аюурзана
    15.  БҮТЭН.                                                                                                 Б.Золбаяр
    16.  ААВТАЙ МИНЬ БҮЖИГЛЭЭЧ.                                                                Т.Бум-Эрдэнэ

                                       3.    ГУРВЫН ДАВАА

    Гурвын даваанд тухайн уран бүтээлч өөрийн өвөртөө нандигнасан бүтээлээ унших агаад уг бүтээлийн хэмжээ шүлэг яруу найраг бол нэгийн даваанд , үргэлжилсэн үг бол хоёрын даваанд уншигдсан бүтээлээс уртгүй хэмжээтэй байна.

                              УРАН БҮТЭЭЛЧДИЙН АНХААРАЛД
   Уран уншлагын ТУЛГА наадмыг мэргэжлийн хүмүүс шүүн явуулах бөгөөд уншигчийн тайз эзэгнэлт, үзэгчидтэй харилцах байдал,тухайн уран бүтээлийг өөриймшүүлсэн байдал,тайзны сахилга бат зэргийг голчлон анхаарна.ТУЛГА уран уншлагын наадамд оролцохыг хүсэгчид өөрийн товч танилцуулгыг   enkhbold9@yahoo.com  хаягаар ирүүлэхийн зэрэгцээ
1. Денвэр хотынхон                             Х.Лхамжав            720-220-7665
2. Лос-Анжелос хотынхон                   Б. Ган-Энхбаяр      323-836-4546
3. Вашингтон ДС хотынхон           Г. Галбадрах          703-403-8556 нар руу мэдэгдэж болно.
         Мэдүүлгээ урьдчилан өгөөгүй тохиолдолд зохион байгуулагчид цаг нартаа аргагүй хавчигдаад тайзан дээр гаргаж чадахгүй болно гэдгийг манай уран бүтээлчид ойлгоно буйзаа.

                                               МАНАЙ СУМААР...

    Албан бус тоогоор Чикаго хотноо 5000 орчим Монгол хүн амьдран суудаг гэх.Чикаго хотын нийт хүн ам найман сая гэж бодвол Монголчууд бид нэг сумын иргэдийн хэмжээнд байгаа тул 2012 оны 11-р сарын 11 нд зохиогдох аялалаа бид  МАНАЙ СУМААР хэмээн нэрийдлээ.Энэ аялалаар та бүхэн зохиолч Д.Энхболдын бага насандаа унадаг байсан Уужим буурал нэртэй атны нэрээр нэрлэгдсэн урт атаар манай сумын төвөөр аялана.Уг ат нь дулаан тохилогийн дээр жаран хүн сундлаад явахуйц тул аян замын дунд гээгдэх вий ат нь сульдаад хэвтэн тусах вий гэж санаа зоволтгүй.

Тухайн өдрийн хонины хүн та бүхнийг нобелийн шагналт зохиолч Эрнест Хэмингуэй авгайн гэрт хүргэхийн зэрэгцээ,Чикагогийн бухнуудын хамгийн оновчтой бөмбөгдөгч бух хүрэл Жордан өмнө нь нисэж байдаг спорт заал дээр дагуулж очино.Тэндээсээ сумын гол гудамж Мичиганыг ороож, сумын гол хэвлэл Чикаго Трибун сонины газрын дэргэд өглөөлөөд Мичиган нуурын давалгааг сөрж дээшилнэ.Цэцгэн байшингийн гадаа зураг хөрөг авахуулахад урамтай байдгийн дээр өвөлжөөн дээр нар өөд саравчлаад зогсож байгаа мэт сэтгэгдэл төрдгийг өгүүлэх юун.Үдийн хирд та бүхэн саахалтын хэдэн харцуул адуу мал ярин аргал хөрзөн овоолон суугаа  манай сумынхны СААХАЛТЫНХНЫ ААРУУЛЫН ЧУЛУУ хэмээн нэрлэдэг үхэр чулуудтай намаржаан дээр саатна.Саахалтын эрцүүл маань сайхан зантай , өдөр нь бур бур салхитай буган халиун нартай байвал халуун чулуу атгуулж ч мэдэш.Энэ аялалд мэдээж хол газраас уригдан ирсэн гийчид маань оролцох тул хамтдаа инээж хамтдаа сүүдэр татуулж,хамтдаа бас хөтлөлцөж явах боломж ч гарч буйг гярхай уншигч нар юунд сатааран өнгөрөөх аж.Уужим Бууралд сундлалдан уг аялалд оролцохыг хүсэгчид 773-656-6851 дугаарын утсаар Д.Эрдэнэбаяртай холбогдон аялалын мэдүүлгээ өгөөрэй.
 
 
                                             СЭТГЭЛИЙН ЯРУУСЛААР
 
     Их номч Бямбын Ринчин бээр нэгэнтээ  Дотор хүн дотроо л ярьж тагзаа тойрдог Монгол хүн морьтойгоо ч ярьж дэлхийг тойрдог хэмээн эх хэлнийхээ хүчин чадлаар бахархсан байдаг.2012 оны 11-р сарын 11 ний үдэш энэ сайхан эх хэлнийхээ татах яруу хүчийг УРАН ҮГСИЙН ЧУУЛГАН-д нэгдэн дахин нэг мэдэрцгээмүү. Ардын маань сайхан хөгжим,төгөлдөр хуурын намуун аяз үе үе эгшиглэх уужим танхимд шүлэг сонсонхон сүүрс алдахын зэрэгцээ Задгай цагаан үүлэн дор Хүмүүн төрөлхөтний нэг болсноо ухааран мэдэрч Гурван тамирын шугуй намуухан найгах адил уяран бүжих хормууд бас бий.Төрийн шагналт ардын зохиолч П.Бадарч авгайн гунганасан намуухан дуудлагат шүлгийн дараа огцом найрагч Б.Галсансүхийн модернист шүлгүүдийг сонсоход цэцэг бургас хоёрын чухам аль нь энэ нахианаас цухуйх юм болдоо гэж эргэцүүлэхтэй адилгүй гэж үү.Нийтийн бүжгийн мастер яруу найрагч Д.Нямаа хайрын шүлгийн дууч гэдгээ ч тунхаглах нь дамжиггүй.Америкт амьдарч туурвин бүтээж яваа манай үеийн олон сайхан яруу найрагчид Жамсрандоржийн Оюунцэцэг,Төмөрийн Дашбалдан,Лувсангийн Батбаяр,Хулганайн Тэргэл нарын ухаарал гэгээрэл дүүрэн шүлгүүд ч чухам энэ орой энэ танхимд гигэлзэнэ.Үгсийн тансагаар сэтгэлийг яруусган зүрх сэтгэлийн гүнд хярсан ариун нандин бүхнийг Цэнхэр дурдан алчуур мэт сэвэлзэн сэрээх УРАН ҮГСИЙН ЧУУЛГАН
 
                                           2012 оны 11-р сарын 11-нд
 
 
                                    ЗОХИОН БАЙГУУЛАХ ЗӨВЛӨЛ


9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2024 Орлоо-Инфо ХХК.