01 сарын 22, Бямба
°C
USD 2,849.53
USD 2,849.53
EUR 3,228.23
JPY 25.03
GBP 3,868.52
RUB 37.17
CNY 449.36
KRW 2.39

АНУ-д оршин суугаа Монголчуудын Гар Бөмбөгийн Аврага шалгаруулах Тэмцээн 2012 оны 8 сарын 31-с 9/03-ны хооронд болно.

Америкийн Монголчуудын Волейболын Аварга Шалгаруулах Тэмцээн (АМВАШТ)  Колорадо Мужийн Дэнвэр хотод  2012 оны 8 дугаар сарын 31-ээс 9 дүгээр сарын 2-ны хооронд болно.  Тэмцээн эрэгтэй, эмэгтэй гэсэн хоёр ангиллаар явагдана.  Тэмцээний төгсгөлд  БҮХ ОДДЫН ТОГЛОЛТ – ALL  STAR GAME болно.  

Монголын Волейболын Холбооны (МВХ) Ерөнхий Нарийн Бичгийн Дарга Ц.Бат-Энх,  МВХ-оос  сонгосон   АПУ баг албан ёсоор ирэхээр боллоо.  АПУ багийн бүрэлдэхүүнийг танилцуулбал эрэгтэй тамирчид: Багийн дасгалжуулагч/ахлагч  Л.Цэрэнгаваа (СМ),  Л. Баатархүрээ (ОУХМ),  С.Амгаабазар (СМ),  Ц.Бат-Энх (СМ),  Т.Отгонбаатар (СМ), Б.Түвшинбат(СМ),
эмэгтэй тамирчид: Багийн дасгалжуулагч/ахлагч Ц.Оюунтуяа (СМ), Б.Болормаа (ОУХМ), Х.Ариунтуяа (СМ), Ц.Бямбасүрэн (СМ), Л.Очгэрэл (СМ), Ч.Оюунгэрэл (СМ), С.Цэцэгмаа (СМ).   

Монголоос  оролцох АПУ баг нь АМВАШТ –ний бүсийн тоглолтонд оролцох боловч тоглолтын амжилт бүртгэгдэхгүй нөхөрсөг тоглолт хийнэ.  Тэмцээний төгсгөлд Америкийн Монголчуудын Волейболын Шилдэг Тамирчдын баруун, зүүн эрэгүүдийн багууд АПУ багтай тойргийн журмаар БҮХ ОДДЫН ТОГЛОЛТ – ALL STAR GAME хийнэ.

9 дүгээр сарын 1 буюу тэмцээний эхний өдрийн үдэш Колорадо мужийн яруу найраг, уран зохиол сонирхогчдын ТУЛГА Клубээс Монголын АПУ багийн нэрэмжит Үдшийн Цэнгүүн зохион байгуулна. Цэнгүүний үеэр 2011 оны Америкийн Монголчуудын Уран Үгсийн Чуулганы тэргүүн байрын шагналтанууд уран уншлага уншихаас гадна ая дууны мэндчилгээ дэвшүүлж, бүжин цэнгэн хөгжилдөнө.  

Тэмцээний техникийн зөвлөлгөөн (8/31/12-нд 20:00 цагаас), ТУЛГА Клубын Үдшийн Цэнгүүн (9/1/12-нд 20:00-01:30 цагт), Тэмцээний хаалтын ажиллагаа (09/02/12-нд 20:00-01:30 цагт) тэмцээнд оролцогчдын байрлаж буй Crowne Plaza Denver Downtown зочид буудалд болно. Мөн Crowne Plaza Denver Downtown зочид буудал нь тэмцээн болох University of Colorado Denver газар хоёрын хоорондын зай нь 1.3 мile, 5 минут машинаар, 15 минут явганаар болно.

Тэмцээний дэлгэрэнгүй мэдээллийг www.facebook.com/ITCMVC  болон www.facebook.com/colomongols , (720) 252-0800 (зохион байгуулалт),  (303) 667-1603 (баг тамирчид) холбогдож авна уу.  Тэмцээнд оролцох багийн мэдүүллэгийг 8/25/12 дотор ikhtalvolleyballclub@yahoo.com  эмайл хаягаар явуулна уу. Тэмцээний техникийн зөвлөлийн хуралдаан 8/31/12 нд 20:00 цагаас Crowne Plaza зочид буудалд болно. Багийн ахлагч эсвэл багийн төлөөлөл энэ хуралдаанд багийн мэдүүлэг, хураамж  $300 хамт заавал ирнэ үү.  

Тэмцээн болох газар                 Зочид буудал
University of Colorado Denver            Crowne Plaza Hotel Denver Downtown
Campus Recreation Center at Aurora         1450 Glenarm Pl, Denver CO 80202
1255 W 10th St Mall                    Tel: 1 888-233-9527
Denver, CO 80217                     Code: USA Mongols
                            Үнэ: 1 өрөө $89 (2-4 хүн орж болно)
                            htpp://www.crowneplaza.com/denver

Hotel online booking доорхи хаягийг дарна уу.

https://resweb.passkey.com/Resweb.do?mode=welcome_ei_new&eventID=9963227&utm_source=3133&utm_medium=email&utm_campaign=16641437

ШИНЭ ЗАРУУД

Зохиогчийн булан

“MIND TOUR” тѳсѳл ТОНХИЛ сумд
“MIND TOUR” тѳсѳл ТОНХИЛ сумд
12/31/2021
“Magic Box” тѳслийг санаачлагчидын хоёр дахь тѳсѳл нь “Mind Tour” тѳсѳл юм. Залуус минь энэ амьдралаас олж авсан ухаарлаа бусадтай хуваалцсан илтгэлүүдийн талаар ѳмнѳх бичвэртээ мэдээлсэн. Уг арга хэмжээний дараа, үдээс хойш хүүхэд залууст зориулсан сургалтууд зохион байгуулагдлаа. 1. “Мэргэжил сонголт” Г.Халиунаа 2. “Гоо зүй болон хувийн ариун цэвэр” М.Цэвэлмаа 3. “Санхүү тѳлѳвлѳлт” Г.Мѳнгѳн 4. “Зохион бүтээх чадвар болон “Дү дү” тоглоом” М.Мѳнхтулга 5. “Спорт эрүүл мэнд” Б.Галбадрах, Е.Энхболд (дэлгэрэнгүй…)
БИД ЯАГААД БИЕ БИЕДЭЭ ДУРГҮЙ БАЙДАГ ВЭ?
БИД ЯАГААД БИЕ БИЕДЭЭ ДУРГҮЙ БАЙДАГ ВЭ?
09/24/2021
“Монголчууд бид цѳѳхүүлээ атлаа яагаад бие биенээ хайрлан, эв нэгдэлтэй байж болдоггүй юм бол?” хэмээн хааяадаа харуусан боддог. Харь оронд ажиллаж амьдарч байхдаа “буцаад очих эх орон гэдэг сэтгэлийн ямар их ѳмѳг түшиг, амьдралын минь нѳмѳр нѳѳлѳг, ирээдүйн минь итгэл найдвар болох”-ыг ямар ч сурталчилгаагүйгээр чин сэтгэлээсээ ойлгодог. Туурга тусгаар эх орны минь голомтыг сахин аж тѳрж буй та нарыг ч бас сэтгэлдээ хайрлана. Хѳгжлийн цаг хугацааны хуучин харгуйгаар бидэрч буй мэт хэдий боловч, ѳѳрсдѳѳ ухааран засч залруулах олон зүйлүүд байнаа. 1.ХУВИА ХИЧЭЭГЧ (дэлгэрэнгүй…)
ДУУНЫ ГЭРЭЛТ ХӨШӨӨ
ДУУНЫ ГЭРЭЛТ ХӨШӨӨ
Монголчууд дуунд гэрэлт хөшөө босгодог соёлыг дэлхийн соёлын түүхэнд анх авчрав. Монгол ухаан. Монгол нээлт. Төв талбайн өмнөх Наа багшийн “Халуун элгэн нутаг” дууны хөшөөнөөс аваад л орон даяаар лавтай зуугаад дууны хөшөө бий байхаа. Дуу, бөх хоёрыг манайхан шиг дээдэлдэг орон орчлонд үгүй мэт. Аварга цолтой харьсан бөх л бол төрийн тэргүүн. Эсвэл нийслэл хүрээний дарга. Их хуралдайн гишүүн “сарааз маёоор” болдог. Гавьяа байгуулсан дуучин л бол “төрийн нарийн”, “театр чуулгын дарга” болох ёс зөвхөн монголоос эхтэй. Өөр газар би дуулсангүй. Харсангүй. Майкл Жексон чуулгын дарга байсан тухайд

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2022 Орлоо-Инфо ХХК.