Бэй Аэриагийн Монголчуудын холбоо шагналаа гардан авлаа

Гадаад хэргийн яамнаас санаачлан хилийн чанад дахь монголчуудын холбоод, төрийн бус байгууллагуудын дунд зарласан “Миний Монгол наадам-2015” уралдаанд тэргүүн байр эзэлсэн Сан Францискогийн Бэй Аэриагийн Монголчуудын холбоо (БАМХ) шагналаа гардан авлаа.

Шагнал гардуулах ёслолын үеэр Бэй Аэриагийн Монголчуудын холбоо(БАМХ)-ноос энэ оны наадмыг зохион байгуулахад дэмжлэг туслалцаа үзүүлж, хамтран ажиллаж, ивээн тэтгэсэн байгууллага хувь хүмүүст тус холбооны Өргөмжлөлийг гардуулан өгөв.

Энэхүү сайхан наадмыг зохион байгуулсан Бэй Аэриагийн Монголчуудын холбоо, дэмжиж хамтарч ажилласан нийт байгууллага хүмүүст чин сэтгэлийн баяр хүргэж, сайн сайхныг хүсэн ерөөе!