Ерөнхий консулын газар иргэдтэй уулзалт, яриа хийлээ
Монгол Улсаас АНУ-ын Сан Франциско хотод суугаа Ерөнхий консулын газар 2012 оны 5 дугаар сарын 19-нд Оакланд хотын Вашингтон Инн зочид буудалд иргэдтэй уулзалт, яриа хийлээ.
Энэхүү уулзалтаар ЕКГ-ын чиг үүрэг, үйл ажиллагаа, түүний дотор иргэдэд үзүүлэх консулын болон нотариатын үйлчилгээ, өнөөг хүртэлх хугацаанд хийсэн ажил, цаашид хийхээр төлөвлөж буй ажил, зорилтынхоо талаар танилцуулж, АНУ-д суралцаж, ажиллаж, амьдарч буй иргэдийн өмнө тулгамдаж буй асуудлаар иргэдийн санал хүсэлтийг сонсож, цаашдын үйл ажиллагааны талаар санал бодлоо солилцлоо. Мөн УИХ-ын 2012 оны сонгуульд АНУ-д буй иргэд санал өгөх болсонтой холбогдуулан сонгуулийн бэлтгэл ажил, зохион байгуулалтын талаар мэдээлэл хийсэн юм. Энэ талаарxи мэдээлэлийг Калифорнийн Монголчууд студи үзэгч та бүxэнд xүргэж байна. Энд дарж үзнэ үү!