01 сарын 24, Ням
°C
USD 2,849.47
USD 2,849.47
EUR 3,464.10
JPY 27.48
GBP 3,895.08
RUB 38.27
CNY 440.08
KRW 2.58

Мөнхийн ногоон Сиатл хот орчмын Монголчууд эх үрсийн баяраа тэмдэглэлээ

2014 оны 6 дугаар сарын 1-ний нэгэн сайхан нарлаг өдөр МӨНХИЙН НОГООНООРОО Сиатл хот орчмын маань монголчууд хуран цугларч эх үрсийнхээ баярыг өргөн дэлгэр тэмдэглэн өнгөрүүллээ. Нийт арга хэмжээний явцад газрын теннисний, сагсан бөмбөг болон волейбол, ширээний теннисний тэмцээн гэх мэт бооцоот тэмцээнүүд явагдаж, хүн болгон чадлийнхаа хэрээр идэвхитэй оролцож аваргуудаа тодруулав. Энэхүү арга хэмжээний явцад олон хүний анхаарал татаж, нилээн өргөн хүрээг хамарсан содон тэмцээний нэг нь яах аргагүй газрын теннис байлаа.

Энэхүү тэмцээнийг багш Батжаргал, туслах багш Оогий /Осоржамаа/ нар маань удирдан зохион явуулсан ба энэ тэмцээн нь Сиатл дах монголчуудын дунд нилээн өргөжин хөгжиж, олны анхаарал татаж байгаа спортын нэгэн төрөл гэхэд маргах хүн үгүй болов уу. Баярын арга хэмжээний нээлт дээр болон үйл ажиллагааны дундуур Майкрософтын Болроо маань гитар тоглон олон сайхан монгол дуугаа дуулж, хуран цугларсан олон хүмүүс даган дуулж алжаал стрессээ тайлан хөгжилдсөнөөс гадна дуучин охин Ану маань үлгэрийн киноны сайхан дуугаараа түмэн олноо баярлуулав. Үүний зэрэгцээ бага насны хүүхдүүдийн дунд хөгжөөнт дасгалын уралдаант тэмцээнүүд  явагдаж, оролцсон хүүхэд болгон гарын бэлэг хүртэв. Мөн эцэг эхчүүд ногоон зүлгэн дээр тухлан сууцгааж, үр хүүхдүүдээ чөлөөтэй тоглон гүйлдэхийг харан баясаж, инээд хөөрөөр бялхсан сайхан өдөр болж өнгөрлөө. Энэхүү сайхан арга хэмжээг явуулах нөхцөл боломжийг бүрдүүлсэн Баатараа Цэндээ нар маань паркийн түрээсний мөнгийг төлж, СОРА СУШИ рестораны эзэд Итгэл, Баярдэмбэрэл нар маань хүүхдүүдийн баярын бэлэгний мөнгийг гаргаж/ нийт 100 гаруй бэлэг/, Батцэцэг маань бяцхан хүүхдүүдийн дунд явагдсан хөгжөөнт спортын тэмцээнүүдийн зардлыг даасан гэх мэтчилэн сайхан сэтгэлт, санаачлагатай ивээн тэтгэгч нарыгаа дурсахгүй өнгөрөхийн аргагүй билээ. Энэхүү өдрийн арга хэмжээг ивээн тэтгэж, Сиатл орчмын монголчуудаа хуран цугларч нэгэн өдрийг өөр хоорондоо хөгжилдөн, хөөрөлдөн баясаж өнгөрүүлэх сайхан боломжийг олгосон дээрх ивээн тэтгэгч нартаа Сиатлын бүх монголчуудынхаа өмнөөс баярлаж талархсанаа илэрхийлье. Мөн энэхүү баярын арга хэмжээг гардан хариуцаж, хүч чадлаа дайчлан ажилласан дайчин бүсгүй ЦАЦРАЛ-даа баярлаж талархсанаа илэрхийлье.Сүмийн монголчууд нэрээрээ Сиатлын монголчууд дундаа алдаршаад байгаа тэр нэгэн бяцхан мөртлөө эвсэгхэн эелдэг хамт олны зүгээс бяцхан хүүхдүүдийн маань дунд гар зургийн уралдаан явуулж, баяр дээр баяр нэмснээс гадна Түмэндэмбэрэл, Чимгээ эгч нар маань амтат салат хийж хандивлав. Баярын арга хэмжээнд хүрэлцэн ирсэн бүх хүмүүстээ, хүүхдүүддээ, оюутнууддаа баярлаж талархсанаа илэрхийлье.

ШИНЭ ЗАРУУД

Зохиогчийн булан

ШИНЭ ҮЕИЙНХЭНИЙ ЗАСГИЙН ГАЗАР
ШИНЭ ҮЕИЙНХЭНИЙ ЗАСГИЙН ГАЗАР
01/23/2021
Сүүлийн хоёр хоногийн дотор санаандгүй үйл явдал болж ѳрнѳв. Хүн бүхэн ѳѳр ѳѳрийн ѳнцгѳѳс харж дүгнэж байгаа. Улстѳрийн тоглолт, улстѳрчдийн жүжиглэлийн талаар тѳсѳѳллѳѳс цаашгүй болохоор бодит бус баримтууд дээр дүгнэлт хийх хэцүү. Миний хувьд ѳрнѳсѳн асуудлуудаас хэд хэдэн эерэг тал харж байна. Дѳнгѳж тѳрсѳн эхийг хүүхэдтэй нь хамтад хүйтэнд нимгэн хувцастай нь ХѲСҮТ-д шилжүүлж авч явсан нь олон хүмүүсийн дургүйцлийг тѳрүүлж, маргааш нь залуус УОК-ыг огцрохыг шаардаж жагссан нь хүний эрхийн тѳлѳѳ улстѳржилтгүйгээр тэмцсэн шинэ үзэгдэл байлаа. Гэхдээ үүнийг улстѳрийн зорилгоор ашигласан
“БИ”- гээр ѲВЧЛѲГСѲД
“БИ”- гээр ѲВЧЛѲГСѲД
12/01/2020
Хэзээ ч давтагдашгүй БИ хэмээх бодьгалаас хүн тѳрѳлхтѳн бүрэлддэг. Бие биетэйгээ яг адилхан байх боломжгүй бидний амьдрал бие биенээсээ дэндүү хамааралтай. Бусдад таалагдаж амьдрах, бусдад муу хэлэгдэхгүй бас муу үзэгдэхгүйг хичээх амьдрал ѳѳрийн хэмнэлтэй. Ѳѳрийн биеийг ихэд бодож, ѳрѳѳл бусдаас тодорч амьдрах хүсэл зовлонгийн нэгэн шалтгаан болдог. *НАДАД ТААЛАГДАХГҮЙ БАЙНА Сошиал сүлжээнд ѳѳрийгѳѳ их нѳлѳѳтэй гэж бодож дүгнэдэг хүмүүс цѳѳнгүй бий. Бүх зүйлийг ѳѳрийнхѳѳрѳѳ дүгнэдэг тэд, ѳѳрийг нь дагаж магтаагүй ѳѳрѳѳс нь ѳѳрѳѳр сэтгэн үйлдэж байгаа хэн нэгэнд дургуйцлээ илэрхийлнэ.
МОНГОЛЫН УЛС ТѲР ДЭХ “ШИНЭ ҮЕИЙНХЭН”
МОНГОЛЫН УЛС ТѲР ДЭХ “ШИНЭ ҮЕИЙНХЭН”
10/18/2020
Mонголын Мэдээллийн Технологийн салбарт шинэчлэл хийгдэж эхэллээ. Хүмүүсийн яриаг шууд бичвэрт шилжүүлдэг “ЧИМЭГЭ” апплекейшнийг С.Бадрал олон жилийн хѳдѳлмѳрѳѳрѳѳ бүтээснийг мэднэ. Америкт байгаа Ч.Ганболд дүү минь хэдэн жилийн ѳмнѳ энэ тухай надад ярьж, С.Бадралтай онлайнаар холбогдож байсансан. Монгол залуусын энэ бүтээл ямар олон хүмүүсийн хѳдѳлмѳр цагийг хэмнэж байгааг та анзаарах болно. Сүүлийн ѳдрүүдэд монгол залуусын бүтээсэн Тѳрийн үйлчилгээг цахим хэлбэрт шилжүүлэх боломжийг бүрдүүлж буй “E MONGOLIA” апплекейшн танилцуулгаа хийв. Иргэд Тѳрѳѳс авч болох 180 орчим үйлчилгээг цахим

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2021 Орлоо-Инфо ХХК.