03 сарын 18, Даваа
°C
USD 2,631.60
USD 2,631.60
EUR 2,981.21
JPY 23.56
GBP 3,480.16
RUB 40.24
CNY 391.83
KRW 2.32

Бид ѳѳрсѳндѳѳ нэн "Ядаргаатай"

...Бид ѳѳрсѳндѳѳ нэн ядаргаатай. Харсан үзсэн болгоноо ѳѳлж муучлаад л.... Хавь ойрынхоо хүмүүсийн сул талыг ѳѳлѳѳстэй. Ѳрѳѳл бусад нь чамайг шүүмжлэхэд байнга ѳѳрийгѳѳ ѳмѳѳрѳѳстэй. Ѳчнѳѳн учирлаж гуйхад нь мѳнхийн цахлаастай. Ѳѳрийнхѳѳ зѳв гэдэгт тэнэг байтлаа итгээстэй, ѳрѳѳл бусдын учирлалыг сонсохгүй зѳрѳѳстэй. Ѳчнѳѳн цаг хугацааны дараа шалгарсан үнэнд хүртэл хонзогноостой. Заавал давж гарах ѳчүүхэн зүтгээндээ шаналаастай. Дараа нь гэмших гэвч цаг хугацааны урсгалд хожимдоостой.
Бид ѳѳрсѳндѳѳ нэн ядаргаатай. Ѳѳрѳѳ чадахгүй мѳртлѳѳ бусдад том амлаастай. Үнэнд гүйцэгдэхдээ бусдаас дайжин зугатаастай. Харц тулгарах хэрнээ худлаа бүлтрээстэй, харин ѳѳртѳѳ тулгарах бурууг зувчуулаастай. Хүсэл тачаалынхаа тѳлѳѳ ханийнхаа ѳмнѳ гѳлѳлзѳѳстэй. Ѳѳрийгѳѳ зѳвтгѳх учирлал нь аманд нь зэхээстэй. Ѳѳрѳѳ түүнийхээ цаана мѳнхийн шаналаатай. Мэдэмхийрэх атлаа үнэнд гүйцэгдээстэй. Үнэнд гүйцэгдэхдээ худлын ѳмнѳ худлаа инээмтгий. Үйлийн үрийн ѳмнѳ шалдан зогсоод уйлаастай, арчаагүй гэдэг нь.
Бид ѳѳрсѳндѳѳ нэн ядаргаатай. Наанаа мэдэмхийрэх гэвч, цаанаа ѳчүүхэн ашигтай. Тэр л ѳчүүхэн ашгийн тѳлѳѳ бусдад гайхуулаастай. Энэ ертѳнц уужим гэдгийг ухаарахгүй мунхаг. Энд л насаараа мѳнхрѳх юм шиг мулгуу. Хайр гэдгийг жинхэнээр нь амсаагүй хүйтэн цэвдэг. Харц зѳвхѳн үнэн гэдгийг ойлгодоггүй хуурамч инээмсэглэл. Наанаа баярхах гэвч зохиогүй гоёл дундаа тарчигхан. Дүр эсгээстэй амьдрал дундаа ѳѳрѳѳ тарчлаан. Зүүдэн дундаа мѳрѳѳдѳх авч аз жаргал гэдэг тэднээс даанч хол. Нэг л ѳдѳр нуурнаас нисэн одох шувуудыг мэдрэхгүй авсан дундаа тарчлан хэвтэнэ. Энэ амьдрал нэгхэн хором гэдгийг тарчлаан дундаа үл мэдрэнэ. Чиний байхгүй ертѳнц хэв хэвээрээ амгалан гэдгийг чи үл мэднэ. Тэнэг чамаар энэ ертѳнц огтхон ч дутахгүй гэдгийг чи авсанд орсон хойноо л ойлгоно. Даанч гунигтай.

Г.Галбадрах

ШИНЭ ЗАРУУД

Зохиогчийн булан

ѲРСѲЛДѲЖ БУС ѲѲРИЙГѲѲ ХѲГЖҮҮЛЖ АМЬДАР
ѲРСѲЛДѲЖ БУС ѲѲРИЙГѲѲ ХѲГЖҮҮЛЖ АМЬДАР
02/04/2019
Монголчууд бидний бие биедээ атаархаж, бие биенээ муулж байдаг муу араншингийн үндэс нь УРАЛДААН бас ѲРСѲЛДѲѲН  гэж надад бодогддог юм. Монголчууд бид хар багаасаа л уралдаж, ѳрсѳлдѳж ѳссѳн. Хэрвээ айлын хүүхдээс ямар нэгэн байдлаар дутуу байх аваас “турсгаа хуулуулах” хэмжээний шийтгэл эс бѳгѳѳс уруулаа тас зууж, нулимсаа залгилах хэмжээний “шоололт” амсана. Аав ээж минь биднийг загнахдаа “Чи тэдний хүүхдийг хар, тэгээд ѳѳрийгѳѳ хар” гэж жишээлнэ. Заавал түүнтэй адилхан байх ёстой болоод ирэхээрээ гэмгүй түүнд хорсож занана, эс бол түүнээс ямар нэгэн муу тал олох гэж анана. Түүнээс ѳѳрийгѳѳ
ЭГДҮҮЦЭЛ
ЭГДҮҮЦЭЛ
02/01/2019
Би ѳѳрийн хэрээрээ зѳндѳѳ сайн үйлс хийх гэж хичээдэг, гэхдээ олон сайн зүйлс хийж амжиж байгаа. Миний хийж байгаа сайн үйлсийг анзаарч байгаа олон хүмүүс надтай холбогддог л доо. Тэд ихэвчлэн "Галаа ахаа та мундаг юм аа, тантай би хамтарч ажилламаар байна" хэмээн санал тавих нь олонтаа. Мэдээж би зѳвшѳѳрнѳ, гэхдээ нэг болзолтойгоор. "Чи энэ санаан дээр ѳѳрийн чадах зүйлээ хийгээд үз дээ" гэнэ. Тэрээр учиргүй их зүйл амлаад л гарч одно, ихэвчлэн сураггүй болно. Хааяа нэг тааралдахаараа "Галаа ахаа би нѳгѳѳ ярьсан зүйлээ бодоод л яваад байгаа шүү дээ" гэнэ. Эсвэл "Миний зав болдоггүй ээ"
НАС АХИХААР...
НАС АХИХААР...
Жил жилийн шинэ онд цаг хугацаа насыг минь жигүүр дээрээ тээж ѳндрѳѳс ѳндѳрт нисдэг. Хичнээн ѳндѳрт дүүлэх тусмаа энэ ертѳнцийг, эгэл амьдралыг дээрээс нь хараачлан сэтгэлдээ багтаана. Үлдэж хоцорсон цаг хугацаа бус ѳмнѳ минь тодрох ирээдүй миний хѳтѳч болон намайг дагуулна. Бид ѳнгѳрч буй цаг хугацааны тоосноос сугарч зѳвхѳн урагшаа л тэмүүлдэг болохоор энэ амьдрал хязгааргүй бас таашгүй мэт. Аргамжааны сурыг алд алдаар эвхэх мэт цаг хугацааны урсгал, дурдатгал мѳрѳѳдѳл хоёрын зааг дээр түрхэн амсхийх мэт. Санаа алдах бүрийд салхилах цаг хугацааны шуурганы ул мѳр, нүүрэн дэх үрчлээсэнд минь

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2019 Орлоо-Инфо ХХК.