07 сарын 13, Даваа
°C
USD 2,832.22
USD 2,832.22
EUR 3,194.46
JPY 26.51
GBP 3,565.62
RUB 39.83
CNY 404.12
KRW 2.36

“ЗОВЖ” БАЙГАА ХҮМҮҮСТ

Ѳѳрийгѳѳ маш ихээр зовж байна хэмээн тѳсѳѳлдѳг хүмүүс ЗОВЛОН гэж яг юу болохыг оноож нэрлэж чаддаггүй. Энэ нь харьцангүй ойлголт л доо. Зарим хүний хувьд зовлон гэж тооцож байгаа үйл нь хэн нэгний хувьд жаргал нь байж болох. Ѳѳртѳѳ жаргал гэж тооцож буй зарим үйл нь бусдын нудэнд зовлон мэтээр харагдах нь ч бий. Энэ амьдралд ѳѳртѳѳ тохиолдож байгаа сайн муу үйлүүдийг “Энэ бол миний үзэх ёстой үйл, давах учиртай шалгуур” хэмээн тооцож, ѳѳрийн боломжоороо шийдэж байхад тийм ч хэцүү биш.

-Их мѳнгѳтэй байхыгаа ЖАРГАЛ гэж тооцдог хүмүүс бий. Мѳнгѳ олон асуудлыг шийдэх боломж хэдий ч, яг хүний дотоод гэгээн сэтгэлийн дэргэд ѳчүүхэн зүйл. Бүх зүйлийг мѳнгѳѳр хэмжээд ирэх цагт хүмүүс чамайг хүн биш мѳнгѳ гэж хардагт чиний ЗОВЛОН эхэлнэ. Ах дүүс амраг садан тань чамаас мѳнгѳ салгах гэж, найз нѳхѳд тань чамаар даалгах гэж, хэн нэгэн чиний мѳнгѳнд шунан худлаа зусардаж эхлэх цаг дор чиний мѳн чанар үгүй болж эхэлдэг. Баярхан бусдад гайхуулах, сагсууран бусдыг доромжлох, ѳѳрийгѳѳ ихэд дѳвийлгэн тоож эхлэх үйлдэл бүхэн үүний эхлэл. За тэгээд хэн нэгнээс мѳнгѳѳ харамлан хардах үйл болгон зовлонгийн эхлэл. Дуртай ажлаа хийгээд түүнээсээ сэтгэлийн таашаал авч, үүний тѳлѳѳ олж буй мѳнгѳ нь амьдралд тань хүрэлцэж байхад сэтгэл амар амгалан байж чаддаг.

-Их эрх мэдэлтэй байхыгаа ЖАРГАЛ гэж тооцдог хүмүүс бий. Эрх мэдэл олон асуудлыг шийдэхэд тусалдаг хэдий ч мѳнхийн зүйл биш. Бусдаас давуу байдлаа мѳнхийн юм шиг тѳсѳѳлж, эрх мэдлээ буруугаар ашиглаж, бусдад бардамнан дээрэлхэж эхлэх цагт чиний ЗОВЛОН эхэлнэ. Муу хүмүүс чиний эрх мэдлийг буруугаар ашиглан хамтдаа баяжихыг санал болгох үед, эрх мэдлээ ашиглан хэн нэгэнд давуу байдал олгосныхоо тѳлѳѳ авилга авч эхлэх үед, эрх мэдлээ буруугаар ашиглан хууль дүрэм журмыг зѳрчиж эхлэх үед чиний мѳн чанар үгүй болж эхэлдэг. Хууль зѳрчин буруу шийдвэр гаргасныхаа тѳлѳѳ, шуналдаа хѳтлѳгдѳн их хэмжээний авилга авсныхаа тѳлѳѳ, эрх мэдлээрээ далайлган хэн нэгнийг ихээр гомдоож хохироосныхоо тѳлѳѳ чи үргэлж айдаст автан “хэзээ нэгэн цагт баригдах вий” гэдэгтээ шаналж явах болно. Хийж бүтээж буй бүхэн тань бусдын сэтгэлгээгээ ѳѳрчлѳх, амьдралаа шинэчлэхэд тус дэм болдог бол тэр хүн сэтгэл амар амгалан байж чаддаг.

-Олны танил болж нэр алдартай байхыгаа ЖАРГАЛ гэж тооцдог хүмүүс бий. Нэр алдар хүндэтгэл, хайрыг чамд авчирдаг хэдий ч мѳнхийн зүйл биш. Бусдын хайранд бялуурч, хүндэтгэлд халуурч, ѳѳрийн биеэ ихэд тоон ярваганаж эхлэх цагт чиний ЗОВЛОН эхэлнэ. Бусдыг дорд үзэн ѳѳрийгѳѳ ихэд дѳвийлгэн, хүссэнээр нь хүндлэхгүй бол уурлан хилэгнэж, танихгүй бол дээрэлхэн доромжилж эхлэх үед чиний мѳн чанар үгүй болж эхэлдэг. Хэт их магтаал бусдыг үл ойшооход хүргэж, хэт их зусардалт ѳѳрийгѳѳ “тэнгэрийн амьтан” мэт ѳргѳмжлѳхѳд хүргэж, хэт их бардамналт энгийн амьдралаар амьдрах чадваргүй болгодог. Цаг хугацааны урсгалд бусдад мартагдаж эхлэх үед чи бусадтай адил энгийн амьдарч чадахгүйдээ бухимдан архи ууж, агсамнан тэнэгтэж, бусдад гомдоллоход хэн ч чамайг тоохгүй. Хичнээн ихээр чамайг магтан зусардаж байвч хамгийн даруу, энгийн байж чаддаг хүний сэтгэл амар амгалан байж чаддаг.

Амьдралд тохиолдож буй зовлон бэрхшээл бүхэн чамайг шалгаж байгаа шалгуур. Анхны бэрхшээлийг давахад амаргүй. Бүх боломж үгүй мэт санагдах хэдий ч заавал нэгэн гарц байгааг олж харах мэдрэмжтэй бай. Ийм мэдрэмжгүй олон олон хүмүүс мѳнѳѳх саад бэрхшээлийн ѳмнѳ сѳгдѳн цѳхѳрч, одоог хүртэл тэндээ оршиж буйг чи анзаарах болно. Эхний саад бэрхшээлийг давсаны дараа дараа дахиад л илүү том саад бэрхшээл чиний ѳмнѳ тулгардаг. Түүнийг хичээж байгаад л давах хэрэгтэй. Саад бэрхшээл бүхнийг давах тусам чиний ѳмнѳх боломжууд улам томорсоор байдаг. Энэ нь чамайг хүчирхэг болгох алхам. Чи боломжуудыг томоор харах тусам сэтгэлгээ чинь улам задарсаар байдаг. “Холын зорилготой хүнд ойрын зовлон үгүй” гэдэг нь үнэн. Үргэлж зовлонгоо тоочин бусдад гомдоллож байдаг хүнээс, саад бэрхшээл бүхнийг давж гарсаар боломжуудыг олж хардаг хүн үргэлж ялгарч байдаг. Яг үнэндээ энэ ертѳнцѳд эргэж ирэхгүй ҮХЭЛ, эдгэшгүй хүнд ѲВЧИН ѳѳс бусад нь тийм ч хэцүү зовлон биш.

Бүтээгүй хайр дурлалаас болж хүн зовдоггүй, ѳѳрийн сонголт буруугаас, санаа бодлоо зѳв илэрхийлж чадаагүйгээс, эсвэл бүрэн ойлголцож чадаагүйгээсээ шалтгаалж шаналдаг. Мѳрѳѳдѳл тань биелээгүйгээс болж хүн зовдоггүй. Аливаа зүйл ѳѳрийн цаг хугацаатай. Цаг нь болоогүй бол хичнээн хичээгээд ч бүтдэггүй зүйл цаг нь болохоор аяндаа бүтэж эхэлдэг. Залуу байхдаа ѳѳрийгѳѳ ихэд ухаантай гэж бодож сагсуурдаг байсан араншин насны эцэст гэнэн тэнэг байсан мэт санагдах нь бий. Хэн нэгэнтэй муудалцан гомдож, бас үзэн ядаж байсан бүхэн хэзээ хойно эргэн дурсахад “шал хѳгийн” мэт санагдах нь бий. Ѳнѳѳдѳр биднийг айлган тэвдүүлж буй КОРОНА ВИРУС нь бидний хувьд зовлон биш, бидний мѳн чанарыг шалгаж буй шалгуур юм шүү дээ. Тэгэхээр сэтгэлийн чанадаа ѳѳрѳѳ чимээлж, амар амгалан байх нь танд тус болно доо.

Харнууд овгийн Гомбосүрэнгийн Галбадрах

2020-03-16
Улаанбаатар хот

ШИНЭ ЗАРУУД

Зохиогчийн булан

ЭНЭ СОНГУУЛЬ миний бодлоор…
ЭНЭ СОНГУУЛЬ миний бодлоор…
06/26/2020
8 дахь удаагийн УИХ-ыг сонгох 2020 оны сонгуулийн дүн гарлаа. Ард олон тѳсѳѳлѳмгүй сонголт хийдгийн бас нэгэн жишээ болов. Таалагдсан ч эс таалагдсан ч бид дүнг хүлээн зѳвшѳѳрч, хийрхлээсээ амьсгаа даран зогтусаж бодит байдлыг эргэцүүлэн дүгнэх хэрэгтэй болж байна. МИНИЙ ДҮГНЭЛТ 1. Ард олон худлаа ярих, хийрхэхээс залхжээ. Сайн муу хэлэгдлээ ч МАН, олон жил үргэлжлэн гамшигийн хэмжээнд хүрсэн УБ хотын утааг багасгасан, дэлхий даяар аюул болоод буй цар тахлыг дотооддоо барьж, гаднаас ирсэн халдвартай хүмүүсийг эмчилж чадаж байгаа нь олон нийт дэмжих шалтгаан болов. 2. Энэ сонгуульд МАН шинэ
ЭНЭ СОНГУУЛЬ НИЙГМИЙГ ѲѲРЧЛѲХ ҮҮ?
ЭНЭ СОНГУУЛЬ НИЙГМИЙГ ѲѲРЧЛѲХ ҮҮ?
06/16/2020
Дахиад л гомдоллон гоншигнож, шүүмжлэн эгдүүцэж, доромжлон шоолохгүйн тул энэ сонгууль нийгмийг ѳѳрчлѳх эхлэл нь байх ёстой, бүр заавал шүү. Иргэн бүр нь, залуус бүр нь үүний тѳлѳѳ заавал сонгуульд оролцон “Үндсэн хууль”- д заасан эрхээ эдлэн саналаа ѳгѳх хэрэгтэй болж байна. “Дараагийн удаа” хэмээн хойш тавих цаг хугацаа бүхэн чиний залуу нас, хүсэл мѳрѳѳдлийг тань залгиж байгааг болиулах шаардлагатай байна. Ядаж л ѳѳрийн дуртай ажлаа хийж, олсон орлого тань амьдралд тань хүрэлцэж, илүү дутуу зүйлд шаналахгүйгээр тайван амьдрахын тулд СОНГОЛТОО ЗѲВ ХИЙХ ёстой боллоо. Энэ сонголтоос би юу
ЭНЭ СОНГУУЛЬ МИНИЙ БОДЛООР…
ЭНЭ СОНГУУЛЬ МИНИЙ БОДЛООР…
05/31/2020
УИХ ын 2020 оны ээлжит сонгуульд оролцохоор 13 нам, 4 эвсэл, 137 бие даагчид бүртгүүлжээ. Хэдхэн хоногийн дараа нэр дэвшигчид албан ёсоор тодрон СЕХ ноос баталгаажина. Ѳѳ тэгээд энэ хооронд их юм болж байгаа бололтой. Зарим намын дарга нар нэр дэвшигчидээ “мурьж”, тойргоо хоорондоо наймаалцаж, намаасаа жийгдсэн зарим нь ѳѳр намд хадаг барин гуйж, сонгуульд ялах боломжгүй нь боломжтой зарим хүнтэй тохиролцоо хийж, хѳшигний ард улстѳрийн наймаа явагдаж байгаа. *ХҮМҮҮС ЯАГААД ИНГЭЖ УЛАЙРААД БАЙНА ВЭ? 1. Улс тѳр нь бизнес болон хувирсан Монголын хувьд, сонгууль нь бас бизнес болон хѳгжжээ.

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2020 Орлоо-Инфо ХХК.