11 сарын 29, Даваа
°C
USD 2,849.30
USD 2,849.30
EUR 3,196.63
JPY 24.7
GBP 3,803.67
RUB 38.17
CNY 446.12
KRW 2.4

КОВИД ТУСААД ЭДГЭРСЭН ТҮҮХ /Ковидын хүнд үеийг хамтдаа давцгаана #ХүндҮедХамтдаа/

Би Хятадын “Веросел” вакцины 2 тунг хийлгэснээс хойш бараг 2 сар болж байсан үе л дээ. Ѳѳртѳѳ дархлаа тогтсон байгаа гэж итгэж байсан хэдий ч маскнаасаа ердѳѳ ч салаагүй. Шаардлага гараад гадуур нилээд явж байгаад гэртээ ирсэн тэр ѳдрийн орой гэнэт ханиалгаж, бие жаахан зарайгаад л байв. “Ханиад хүрч дээ” гэж бодоод аптекаас “Трефлю” эмийг авч уусан боловч бие тэгтлээ дээрдсэнгүй. Дүү минь эмч мэргэжилтэй болохоор 2 хоногийн дараа түүн рүү утасдаж байдлаа хэллээ. Гэтэл дүү минь “Маргааш ѳглѳѳ ирээд шинжилгээ ѳг ѳѳ, ковид байж магадгүй” гэж сануулав. Маргааш ѳглѳѳ нь очиж ѳгсѳн “түргэвчилсэн” болон “ПСР” шинжилгээ “ЭЕРЭГ” гарснаар асуудал тодорхой боллоо. Дүүтэйгээ зѳвлѳлдѳѳд гэртээ ганцаараа амьдарч байгаа болохоор эмнүүдээ аваад гэртээ ѳѳрийгѳѳ тусгаарлан эмчлэхээр шийдсэн юм.

Үнэрлэх болон амтлах чадвар хэвээрээ, ѳндѳр хэмээр халуурахгүй байгаа болохоор би эргэлзээд байсан хэрэг. Хоолой эрвэгнэж байн байн ханиалгаад, толгой ѳвдѳж байгаа юм шиг зовиуртай, бие нилээд ядрангуй байдалтай байлаа. Дүүгийн зѳвлѳснѳѳр:

-Арбидол
-Амоксиклав
-Витамин Д
-Витамин С

Эмнүүдийг цагаар ууж эхэлсэн. Над руу Ѳрхийн эмнэлгээс утасдаж байдлыг тодруулж ууж байгаа эмнүүдийг асуугаад, цус шингэлэхийн тулд “Аспирин 81” эмийг авч уугаарай гэж зѳвлѳсѳн болохоор аптекаас нэмж авч уулаа. Намайг гэртээ тусгаарласныг сонсоод дүү нар болон хүүхдүүд утасдаж санаа тавьж байв. Надад “чихрийн шижин” болон “астма” ѳвчний илэрц байгаа болохоор тэд илүү санаа зовинож байсан хэрэг. Бага хүү минь утасдаж “уушигаа хамгаалахад тус болно” гэж Хятадын уламжлалт эмнүүд 3 багцыг надад хүргүүлж хэрхэн уух зааврыг хэлж ѳгсѳн юм.

Ингээд л гэрээрээ ѳѳрийгѳѳ тусгаарлаж, эмчлэх эмчилгээ эхэлсэн дээ. Эмнүүдээ цагаар ууж ѳѳртѳѳ аль болохоор гайгүй хоол хийж идэхийг хичээлээ. Эмнүүддээ ядраад байгаа  гэлтэй нилээд нозооронгуй бас унтааринги байдалтай нилээд хоносон. Хоол хийж идээд, эмээ уугаад, нойр хүрэхээр нь унтаад л байв. Бие аажим аажмаар хэвийн болж эмнүүдээ ч ууж дуусгаж байна. Санаа дагаад ч тэр үү, уушгинд Хятад эмнүүд нилээд нѳлѳѳлѳх шиг санагдсан. Арбидол болон антибиотекоо 5 хоногт ѳдѳрт 3 аар уугаад л зогсоосон. Залгуулаад Хятад эмнүүдийг уусан. Тэгээд үндсэндээ Витамин Д, Витамин С, аспирин эмнүүдээ үргэлжлүүлсэн дээ. Энэ хооронд УОК-оос утасдаж хавьтагчдийн талаар мэдээлэл тодруулж, Ѳрхийн эмнэлгээс 2 ч удаа утасдаж байдлыг тодруулан зѳвлѳлгѳѳ ѳглѳѳ. Шинжилгээ ѳгснѳѳс 14 хоногийн дараа ѳѳрийгѳѳ дархлаа тогтсон гэж тооцох бололтой.

НАДАД ЮУ БОДОГДСОН ГЭЭЧ:

1.     Вакцины 2 тунг хийлгэж тодорхой хэмжээнд дархлаа тогтсон байсан нь ковидоор ѳвчлѳхѳд арай хѳнгѳн байдлаар тусч байна
2.     Бид хэдийгээр вакцин хийлгэж, маск зүүж байгаа ч гадна орчноос ковид тусах магадлал байсаар л байна
3.     Үнэрлэх амтлах мэдрэмж алдагдаагүй, ѳндѳр тунгаар халуурахгүй байгаа ч ханиад хэлбрээр илэрч байгаа болохоор анхаарах хэрэгтэй юм байна
4.     Дээр дурдсан эмнүүдийн багц, эмчилгээнд эерэгээр нѳлѳѳлж тодорхой хэмжээгээр эмчилж байна
5.     Суурь ѳвчтэй бол түүнийгээ давхар эмчлэх талаар анхаарах хэрэгтэй юм байна. Мэдээж энэ нь ковидод зориулсан эмнүүдийн багцаас тусдаа шүү дээ
6.     УОК, Ѳрхүүдийн эмнэлэг анхаарал тавьж байгаа ч ачаалал нь хүрэлцэхгүй байгаа болохоор аль болохоор ѳѳртѳѳ санаа тавьж, боломжтой бол гэрээрээ эмчлүүлсэн нь дээр байх
7.     Эмнүүдийн багцаас гадна идэж буй хоол унд чанартай байж, хурдан эдгэхэд нѳлѳѳлж байгаа. Тэгэхээр хоол ундандаа анхаарч байвал зүгээр
8.     Ер нь бол ѳѳртѳѳ итгэж найдаж, ѳѳрѳѳ л ѳѳрийгѳѳ хамгаалах нь чухал юм байна. Цаашдаа ч аль болохоор маскаа зүүж, зай барих нь байнгын найдвартай хамгаалалт болно

Энэ ертѳнцѳд бид хамтдаа аж тѳрж байгаа болохоор бие биенээсээ хамааралтай. Энэ аюулт ѳвчин хэрхэн мутацлагдаж, хэр удаа гай гамшиг учруулахыг таах аргагүй. Тийм болохоор бие биенээ, бас ѳѳрийгѳѳ хайрлаж боломж бүхнээрээ бие биедээ дэм болцгооё. МАСКАА БАЙНГА ЗҮҮ, ХООРОНДОО АЛЬ БОЛОХООР ЗАЙ БАРЬ, ЭРГЭЛЗЭЛГҮЙГЭЭР ВАКЦИНАА ЗААВАЛ ХИЙЛГЭ, ЭДГЭРСЭН ТУРШЛАГАА ХУВААЛЦАЖ БОЛОМЖООРОО БИЕ БИЕДЭЭ ТУС БОЛЦГООЁ.

Ковид тусаад эдгэрсэн Jadambaa Otgonbayar дүү мэдээллээ бусадтай хуваалцаж, боломжгүй байгаа олон айл ѳрхүүдэд эмнүүдийн багц хүргэж ѳгч байгаад талархал илэрхийлье. Энэ аймшигт ѳвчний улмаас хорвоог орхиж байгаа иргэдийн гэр бүлүүдэд эмгэнэл илэрхийлье. ЭРҮҮЛ ЯВБАЛ УЛСЫН НААДАМ ҮЗНЭ хэмээн их найрагч Д.Нацагдорж ѳгүүлсэн буюу. Та нартаа эрүүл энхийг хүсье.

Харнууд овгийн Гомбосүрэнгийн Галбадрах

2021-06-23

Улаанбаатар хот

ШИНЭ ЗАРУУД

Зохиогчийн булан

БИД ЯАГААД БИЕ БИЕДЭЭ ДУРГҮЙ БАЙДАГ ВЭ?
БИД ЯАГААД БИЕ БИЕДЭЭ ДУРГҮЙ БАЙДАГ ВЭ?
09/24/2021
“Монголчууд бид цѳѳхүүлээ атлаа яагаад бие биенээ хайрлан, эв нэгдэлтэй байж болдоггүй юм бол?” хэмээн хааяадаа харуусан боддог. Харь оронд ажиллаж амьдарч байхдаа “буцаад очих эх орон гэдэг сэтгэлийн ямар их ѳмѳг түшиг, амьдралын минь нѳмѳр нѳѳлѳг, ирээдүйн минь итгэл найдвар болох”-ыг ямар ч сурталчилгаагүйгээр чин сэтгэлээсээ ойлгодог. Туурга тусгаар эх орны минь голомтыг сахин аж тѳрж буй та нарыг ч бас сэтгэлдээ хайрлана. Хѳгжлийн цаг хугацааны хуучин харгуйгаар бидэрч буй мэт хэдий боловч, ѳѳрсдѳѳ ухааран засч залруулах олон зүйлүүд байнаа. 1.ХУВИА ХИЧЭЭГЧ (дэлгэрэнгүй…)
ДУУНЫ ГЭРЭЛТ ХӨШӨӨ
ДУУНЫ ГЭРЭЛТ ХӨШӨӨ
Монголчууд дуунд гэрэлт хөшөө босгодог соёлыг дэлхийн соёлын түүхэнд анх авчрав. Монгол ухаан. Монгол нээлт. Төв талбайн өмнөх Наа багшийн “Халуун элгэн нутаг” дууны хөшөөнөөс аваад л орон даяаар лавтай зуугаад дууны хөшөө бий байхаа. Дуу, бөх хоёрыг манайхан шиг дээдэлдэг орон орчлонд үгүй мэт. Аварга цолтой харьсан бөх л бол төрийн тэргүүн. Эсвэл нийслэл хүрээний дарга. Их хуралдайн гишүүн “сарааз маёоор” болдог. Гавьяа байгуулсан дуучин л бол “төрийн нарийн”, “театр чуулгын дарга” болох ёс зөвхөн монголоос эхтэй. Өөр газар би дуулсангүй. Харсангүй. Майкл Жексон чуулгын дарга байсан тухайд
АВТО ЗАМЫН ТҮГЖРЭЛД НИЙТИЙН ТЭЭВРИЙН НѲЛѲѲ
АВТО ЗАМЫН ТҮГЖРЭЛД НИЙТИЙН ТЭЭВРИЙН НѲЛѲѲ
08/17/2021
Бараг 400 000 орчим тээврийн хэрэгсэл холхиж байдаг Улаанбаатар хотод замын түгжрэл асуулт дагуусан асуудал болоод удаж буй. Замаа ѳргѳтгѳх, метро болон дүүжин тээвэр гэх их мѳнгѳ шаардах тѳслүүд ярих хэдий ч одоогийн бодит нѳхцѳл байдлуудаа ѳѳрчлѳн сайжруулах талаар хэн ч ярихгүй юм. Байдлууд ямар байна вэ? *НИЙТИЙН ТЭЭВРИЙН МУУ БАЙДЛУУД: (дэлгэрэнгүй…)

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2021 Орлоо-Инфо ХХК.