ШИНЭ ОНЫ ЭХНИЙ ӨГЛӨӨ

Шинэ он, 2008 он гарлаа. Энэ оны эхний өглөөг Асахийн өндөрлөгөөс нар харж угтдаг Наран хүмүүсийн заншлаар хамтдаа шинэ оны нарыг харж угтлаа. Шөнийн уусан аркогор /алкокол/ гараагүй хэвээр учир гүлэмцүү царайлан эхний тааралдсан хоёр Наран Баагийгаас бяцхан шазай /ярилцлага/ авчихав. Баагий:
- Шинэ оны мэнд хүргэе! Та бүхний сэтгэгдэл ямар байна даа? /Мэдээж хэрэг Японоор/ Наран хүмүүс:
- Маш их баяртай байна. Танд ч гэсэн баярын мэнд хүргэе! Та аль сониноос явна вэ? Баагий:
- Өө, би ямар нэгэн сониноос биш ээ, би жирийн л нэг Японд хараар ажиллаж амьдарч байгаа Монгол хүн байнаа. Интернетэд өөрийн хайрцагтай, түүндээ л оруулах гэсэн юм.Н.Х:
- Аан, таныг ямар нэгэн сонины хүн юм болов уу гэж бодлоо. Бид шинэ оны нарыг жил болгон энд угтдаг. Яагаад ч юм бүү мэд, сэтгэл их л өндөр байдаг даа. Баагий:
- Та бүхэнд баярлалаа, шинэ ондоо аз жаргалаар дүүрэн байх болтугай!
 Мэдээж би Японоор тийм айхтар сүрхий ярьж чадахгүй л дээ. Гэхдээ мэндчилгээний хэдэн албан ёсны гэмээр хэдэн хэллэгийг тогтоосных энэхүү бяцхан ярилцлагыг хийж орхилоо.

Цаашлан хүмүүс дундуур тэнэж явтал яах аргагүй Монгол залуутай тааралдлаа. Баагий:
-За шинэ оны мэнд хүргэе! Нөгөө залуу:
- Танд ч бас шинэ оны мэнд хүргэе! Та яаж намайг Монгол хүн гэж танив аа? Баагий:
- Харахаас андашгүй л, танилцья. Намайг Батаа гэдэг.
- Өлзий. Баагий:
-Энд ирээд удаж байна уу? Хараар уу, аль эсвэл сурдаг уу? Ө:
- Аан, би гэрээгээр байдаг. Саятамаад ажилладаг, жил хагас болж байна. Баагий:
- Үгүй тэгээд холын хүн энд юу хийж яваа юм бэ? Ө:
- Энд байдаг хамаатны ахындаа ирсэн юм. Ирсэн гол зорилго маань шинэ оны нар үзэх л байна даа. Баагий:
- Ах чинь хаана байна, танилцуулаач. Ө:
- Ахын маань бяд нь хүрсэнгүй, ойрхон болохоор дугуйгаар хүрээд ирлээ дээ. Баагий:
-За сайхан танилцлаа, шинэ ондоо аз жаргалаар бялхаж байх болтугай! Ө:
- Танд ч бас аз жаргал хүсье, сайхан баярлаарай !
 
С.Б.Бат- Эрдэнэ. Япон, Ивай 2008-01-01