06 сарын 06, Бямба
°C
USD 2,809.64
USD 2,809.64
EUR 3,147.36
JPY 25.76
GBP 3,513.88
RUB 40.72
CNY 394.61
KRW 2.31

“НУТГАА САНАЛАА ДАА !...” ДУУНЫ ЦОМГИЙН ЭЗЭН “СОЁЛЫН ТЭРГҮҮН” ХҮРТЛЭЭ

Энэ онд Америкийн монголчуудын цөөнгүй төлөөлөл “Соёлын Тэргүүний Ажилтан” хэмээх МУ – ын Засгийн Газрын шагнал хүртэв.

Үүний анхных нь АНУ –ын Лас Вегас хотод байрлах Канадын “Нарны Цирк” – ийн уран нугаралтын зөвлөх - дасгалжуулагч багш Ж. Эрдэнэчимэгт оногдсон бол тун ойрмогхон Чикаго хот хавиар энэхүү шагналын хур буусан гэлтэй үйл хэрэг өрнөөд явчихав.

Америк - Монголын Нийгэмлэгийн тэргүүн, Чикаго Монгол Сургуулийг үүсгэн байгуулагч Л. Гэрэлмаа наадмын өмнөхөн энэ цол тэмдгээр энгэрээ мялаасан бол Чикаго хотын монгол наадамчдын талбайд залуухан жүжигчин х. Батцэцэг мөнхүү тэмдэгээр хантаазаа цоолуулав.

Ер нь бай шагналын тухайд манай нийгэмд зөрчилдөөнтэй санал нэлээдгүй байдаг шиг байна. Олимпийн медаль хүртсэн монгол жүдочид сая доллараас эхлэн мөнгө хайрлахаа бийлэгжүү эр Женко ам гарсан сурагтай. Улсын Наадмын түрүү бөх лексус тэрэг зөвхөн нутгийн зөвлөлөөсөө хүртэж байна.

Ер нь бөх болж төрсөн хүнд монгол бол хамгийн тааламжтай орон мөнөөс мөн юм. Харин шинжлэх ухааны академийнхан гурван зуун доллар арай хүрэхгүй цалин /дөрвөн зуун мянган төгрөг/ авдаг өвгөн академичдийнхаа өндөр хангамжийн эсрэг хөдөлгөөн өрнүүлээд байх шиг байна.
Чикаго хот орчмоор нутаглан буй цахилгааны инженер Ш. Энхбат олон жилийн турш ая, хөг зохируулан, эвсүүлж бүтээсэн дуунуудаа эмхэтгэн “Нутгаа саналаа даа” дууныхаа цомгийг жилийн өмнө бичүүлж, худалдаанд гаргасан билээ. Ард олны сэтгэлийн хөг эгшгийг танин барьж, түүнийг нь төлөөлүүлэн таван аяаар бийрлэн зурна гэдэг гагцхүү тэнгэрээс заяат хүмүүний өгөгдөл юм. Тиймээс ч Монголын Хөгжмийн Зохиолчдын Холбоо гэх байгууллага оршин тогтнож ирсэн жар орчим жилийн түүхэндээ хоёр зуугаад гишүүдтэй явж ирсэн ба тэдний хорин хувь нь л олон түмнээ ая эгшгээр ундаалдаг алдартнууд байж ирсийм. Энэхүү нэр хүндтэй хөгжмийн нийгэмлэгийн дууны хөгжмийн зохиолч хэмээх гишүүний үнэмлэхийг Ш. Энхбат инженер өвөртлөөд төдий удаагүй.
Ш. Энхбатын дуунууд бол манай дунд насны үеийнхэний зүрх сэтгэлийн дуулал болж улсын төв радио – телевизээр олон жил хангинасаан. Өдгөө ч түүний дууны уран бүтээлийн шид, эрч нь буураагүйгүйгээр барахгүй өнөө цагийн иргэдийн хөгжмийн эрэлт хэрэгцээг хангасаар байгаагийн илрэл нь түүний дууны цомгийн борлуулалт илхэнээ өгүүлнэ ээ.

“..Хүн бүр л соёлын тэргүүн болох юм..” гэх санал цахим ертөнцөд хааяа таардаг. Ямартай ч Ш. Энхбатын шагнал нүдээ олсон нь маргамгүй.

Ш. Энхбатын шагналын үнэмлэхэнд ийн бичжээ:

Дугаар 3-2012-1113  
                                                                                                                                                              Хүндэт Ш.Энхбат таныг соёл урлагийн салбарыг хөгжүүлэх үйлсэд оруулсан хувь нэмрийг тань үнэлж Монгол улсын засгийн газрын шагнал Соёлын тэргүүний ажилтнаар шагнаж үнэмлэх олгов.
Монгол Улсын Боловсрол,Соёл,Шинжлэх Ухааны сайд Ё.Отгонбаяр

2012оны 07-р сарын 30 ны өдөр
 
Дууны хөгжмийн зохиолч, авьяаслаг уран бүтээлч Ш. Энхбатдаа Соёлын Тэргүүн Ажилтан хэмээх өндөр хүндлэлт шагнал хүртсэнд тань баяр хүргэхийн ялдамд, найраг туурвилын зам тань өлзийтэй байхын ерөөлийг дэвшүүлье !
 
Жич: Ш. Энхбатын уран бүтээлийн тухай дэлгэрэнгүй мэдээллийг доорхи эх үүсвэрүүдээс харж болно.
 
http://www.orloo.info/writers/batjargal/6114-nuur
http://www.youtube.com/watch?v=Kpc8ACzOi6M
http://www.youtube.com/watch?v=hWFilafMsEE

http://www.youtube.com/watch?v=D52ICqHl-Cc
 
Монгол Улсын Соёлын Тэргүүний ажилтан Б.Батжаргал

ШИНЭ ЗАРУУД

Зохиогчийн булан

ЭНЭ СОНГУУЛЬ МИНИЙ БОДЛООР…
ЭНЭ СОНГУУЛЬ МИНИЙ БОДЛООР…
05/31/2020
УИХ ын 2020 оны ээлжит сонгуульд оролцохоор 13 нам, 4 эвсэл, 137 бие даагчид бүртгүүлжээ. Хэдхэн хоногийн дараа нэр дэвшигчид албан ёсоор тодрон СЕХ ноос баталгаажина. Ѳѳ тэгээд энэ хооронд их юм болж байгаа бололтой. Зарим намын дарга нар нэр дэвшигчидээ “мурьж”, тойргоо хоорондоо наймаалцаж, намаасаа жийгдсэн зарим нь ѳѳр намд хадаг барин гуйж, сонгуульд ялах боломжгүй нь боломжтой зарим хүнтэй тохиролцоо хийж, хѳшигний ард улстѳрийн наймаа явагдаж байгаа. *ХҮМҮҮС ЯАГААД ИНГЭЖ УЛАЙРААД БАЙНА ВЭ? 1. Улс тѳр нь бизнес болон хувирсан Монголын хувьд, сонгууль нь бас бизнес болон хѳгжжээ.
СОШИАЛ “СЭВЭЭЧИД”
СОШИАЛ “СЭВЭЭЧИД”
04/28/2020
Саяхан би дуучин Д.Болдын тоглолтын талаар жиргэсэн юм. Яг үнэндээ жиргээний мэдээллүүд уншиж байгаад буруу ойлголтоороо жиргэсэн нь миний алдаа байлаа. Жиргээний эхний сэтгэгдлийг уншаад, би ямар тэнэг юм бичсэнээ ойлгоод устгав. Энэ бол 5 минутын л хугацаанд болсон хэрэг. “Уучлаарай. Эх сурвалжаа нягтлаагүй бичсэн нь миний буруу болжээ. Би мэдээллээ устгалаа” гэж бичиж учирласан боловч, миний жиргээг аль хэдийн скрийн шот хийгээд маш олон сувгаар түгээж эхэлсэн байв. За тэгээд ѳдѳржингийн юм болсон доо. Найзууд минь над руу утасдан анхааруулан сануулж, олон хүн намайг ѳрѳвдѳж, олон хүн
ѲМЧЛѲГДСѲН “ХАЙР”
ѲМЧЛѲГДСѲН “ХАЙР”
04/12/2020
-Чи яагаад энэ бүсгүй рүү хараад байгаа юм бэ? Би энэнээс муухай харагдаад байна уу? -Чи яагаад энэ хүний нүүрномын пост дээр зүрх дараад байгаа юм бэ? Тэр чамд тийм ухаантай санагдаад байна уу? -Чи яагаад энэ хүнтэй уулзсан юм бэ? Би чамд гологдоод байна уу? -Чи яагаад над руу харахгүй байгаа юм бэ? Надаас уйдаад байгаа юм уу? -Чи яагаад надад урьдынх шигээ анхаарал тавихгүй байнаа? Надад хайргүй болчихсон юм уу? -Чи яагаад??? (дэлгэрэнгүй…)

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2020 Орлоо-Инфо ХХК.