05 сарын 29, Баасан
°C
USD 2,806.96
USD 2,806.96
EUR 3,089.62
JPY 26.03
GBP 3,442.03
RUB 39.47
CNY 392.20
KRW 2.26

БОБ ДИЛАН - ИСПАНИ ШИРЭН ГУТАЛ

tumblr m70rmdq5ZY1qhwegmo1 1342049524 cover

Боб Дилан том доо, том. Хэр томыг нь хэлэх юм бол Битлз, Роллинг Стоунз-д ч нөлөөлсөн гэж рок-поп хөгжим судлаач, шүүмжлэгчид бичсэн байдаг. Even The Beatles and The Rolling Stones couldn't escape his influence гэж. Гэтэл түүний хэчнээн томыг харуулсан бас нэг барим тавим нотолгоог "Яруунайргийн Нортон антологи"-оос оллоо.

Англи хэлт яруунайргийн хамгийн эртний гар бичмэлүүдээс аваад 1995 он хүртэлх шилдэг сайхан сор бүтээлүүдийг дээжлэн багтаасан тэр нэр хүндтэй түүвэрт "20-р зууны ихэд түгсэн баллаадууд" гэсэн хөмсөг гарчгийн дор ердөө дөрөвхөн баллаад оруулсны нэг нь Боб Диланы "Испани ширэн гутал". Сэтгэл хөдлөөд орчуулж орхилоо. Гэхдээ аянд нь тааруулах гэж огт оролдоогүй шүү. Зөвхөн шүлгийг нь л.

ИСПАНИ ШИРЭН ГУТАЛ

Хайрт минь, би маргааш далайд гарлаа,
Хар өглөөгүүр би алсад одно оо, өө!
Чамдаа би далайн чанадах тэр харь орноос
Чамин тансаг юухныг ч билээ, илгээх сэн дээ.

Үгүй дээ, дурлалт минь, надад юухан ч хэрэггүй
Үнэн хайраас чинь өөр юуг ч би өмчлөхийг хүсэхгүй.
Гагцхүү чи минь алсын тэр аянаасаа
Гандаж гундсан ч цэвэрхэн чигээрээ ирээсэй билээ.

Тийм гэж үү, үнэн хайрт минь, уг нь би
Тэртээх Мадридын уулс, эсвэл Барселоны эргийн
Алтан чиг ч юм уу, мөнгөн чиг чамин эдийг
Амрагхандаа бэлэглэе юү л гэж бодсон юм сан.

Ганцхан чинийхээ халуухан агаад ялдамхан үнсэлтийг, өө!
Газрын дээр, тэнгэрийн доор өмчилж явахыг хүснэм, би!
Тэнгэрийн одод, тэнгисийн алмаасыг надад өргөсөн ч
Тэр л амттайхан үнсэлтийн чинь үнэд хүрэхгүй, ай!

Өчнөөн удаан чамаасаа хол аялж магад аа,
Өчүүхэн жаахан ганц л зүйл гуйсан юм даа.
Намайгаа дурсаад, цагаа ч бас зугаатайхан нөгцөөх
Нандин ганц бэлэг илгээе юү л гэсэн юм аа.

Яахин ингэж ахин дахин асуунам бэ, өө!
Яршиг болоод гунигийг л надад авчрах бус уу, ай!
Саяхан чамдаа дурдсан тэр л нандин хүслээ
Сая жилийн дараа ч би дуртгах л болно оо.

Гундмал, ганцаардмал тэр өдөр би захиа авлаа,
Гуниггүй холын аяны хөлгөөс надад илгээжээ.
Эргэж харих эсэхээ мэдэхгүй эргэлзэж явна гэнэ
Хэрхэхийг зөвхөн сэтгэлийн хөдлөл нь шийднэ гэнэ.

Хэрэв дурлалт минь чингэж бодож яваа бол
Сэтгэл зүрх нь нэгэнт оволзон догширч дээ.
Бидэн хоёрын зүрх цуг цохилохоо нэгэнт болиод
Бэдэрч очсон нутаг руугаа нисэн одож, чинийх!

Өө, тэгвэл өрнийн салхинаас аюуж яваарай,
Өрвөлзсөн ширүүн хуй шуургыг ч анзаарч санаарай.
Иймдээ тулсан бол чамд ганц зүйл захивал ч захия,
Испани ширэн гутлыг чи надад илгээвэл ч илгээ.

Лувсангийн БАТБАЯР орчуулав.

2014 - 10 - 18.

BOB DYLAN (1941 - )
BOOTS OF SPANISH LEATHER
Oh, I'm sailing away my own true love,
I'm sailin' away in the morning,
Is there something I can send you from across the sea,
From the place that I'll be landing.

No, there's nothing you can send me my own true love,
There's nothin' I wish to be ownin',
Just carry yourself back to me unspoiled,
From across that lonesome ocean.

Oh, but I just thought you might long want something fine
Made of silver or of golden,
Either from the mountains of Madrid
Or from the coast of Barcelona.

Oh, but if I had the stars from the darkest night
And the diamonds from the deepest ocean,
I'd forsake them all for your sweet kiss
For that's all I'm wishin' to be ownin'.

That I might be gone a long ole time
And it's only that I'm askin',
Is there somethin' I can send you to remember me by
To make your time more easy passin'.

Oh, how can, how can you ask me again,
It only brings me sorrow,
The same thing I want from you today
I would want again tomorrow.

I got a letter on a lonesome day,
It was from her ship a-sailin'
Saying I don't know when I'll be comin' back again,
It depends on how I'm a-feelin'.

Well, if you my love must think that-a-way,
I'm sure your mind is roamin',
I'm sure your heart is not with me,
But with the country to where you're goin'.

So take heed, take heed of the western wind,
Take heed of the stormy weather,
And yes, there's something you can send back to me,
Spanish boots of Spanish leather.
1963

ШИНЭ ЗАРУУД

Зохиогчийн булан

СОШИАЛ “СЭВЭЭЧИД”
СОШИАЛ “СЭВЭЭЧИД”
04/28/2020
Саяхан би дуучин Д.Болдын тоглолтын талаар жиргэсэн юм. Яг үнэндээ жиргээний мэдээллүүд уншиж байгаад буруу ойлголтоороо жиргэсэн нь миний алдаа байлаа. Жиргээний эхний сэтгэгдлийг уншаад, би ямар тэнэг юм бичсэнээ ойлгоод устгав. Энэ бол 5 минутын л хугацаанд болсон хэрэг. “Уучлаарай. Эх сурвалжаа нягтлаагүй бичсэн нь миний буруу болжээ. Би мэдээллээ устгалаа” гэж бичиж учирласан боловч, миний жиргээг аль хэдийн скрийн шот хийгээд маш олон сувгаар түгээж эхэлсэн байв. За тэгээд ѳдѳржингийн юм болсон доо. Найзууд минь над руу утасдан анхааруулан сануулж, олон хүн намайг ѳрѳвдѳж, олон хүн
ѲМЧЛѲГДСѲН “ХАЙР”
ѲМЧЛѲГДСѲН “ХАЙР”
04/12/2020
-Чи яагаад энэ бүсгүй рүү хараад байгаа юм бэ? Би энэнээс муухай харагдаад байна уу? -Чи яагаад энэ хүний нүүрномын пост дээр зүрх дараад байгаа юм бэ? Тэр чамд тийм ухаантай санагдаад байна уу? -Чи яагаад энэ хүнтэй уулзсан юм бэ? Би чамд гологдоод байна уу? -Чи яагаад над руу харахгүй байгаа юм бэ? Надаас уйдаад байгаа юм уу? -Чи яагаад надад урьдынх шигээ анхаарал тавихгүй байнаа? Надад хайргүй болчихсон юм уу? -Чи яагаад??? (дэлгэрэнгүй…)
ТАРЖ БУТАРЧ, ТАЛЦАЖ МАРГАЛДАХ МОНГОЛЧУУД БИД
ТАРЖ БУТАРЧ, ТАЛЦАЖ МАРГАЛДАХ МОНГОЛЧУУД БИД
03/28/2020
*Аль ч улстѳрийн намууд дотор танил, дотно найз нѳхѳд надад бий. Ирсэнээсээ хойш тэдний ихэнхитэй уулзан ярилцаж үзэв. Хүний мѳн чанарынхаа хувьд адил санаа бодолтой тэд, улстѳрийн намуудад хуваагдсанаасаа хойш уулзаж ярилцах, санаа бодлоо хуваалцахаас жийрхдэг болсон нь анзаарагдаж байна. “Урвагч” хэмээн адлагдахаасаа айдаг, нам доторхи орон зайгаа алдахаасаа эмээдэг, ирээдүйд хүртэж болох ашгаа булаалгахаасаа болгоомжилдог бүхэл бүтэн үеийг намууд бэлтгэжээ. Улстѳрийн намуудын ийм “залгамж халаа”-нууд Монгол Улсын үндсэн эрх ашиг, үнэт зүйл дээр нэгдэж чадах болов уу? хэмээн би эргэлзэж

9411-4747, 9905-5561
service@orloo.com
Хан Уул Дүүрэг, "Peace Town" хотхон, 49В

© 2005-2020 Орлоо-Инфо ХХК.