СӨҮЛ. /NHK/. Ойрхи Дорнодын амьсгалын замын хам шинж буюу “MERS” титэмт вирус Өмнөд Солонгост тархсантай холбогдуулан галт тэрэг, метронуудаа өдөр бүр халдваргүйжүүлэхээр шийдсэнээ Сөүлийн метроны оператор компани мэдэгдлээ. Тус компани жирийн үед долоо хоногт нэг удаа метронуудаа ариутгадаг аж.

СӨҮЛ. /BBC/. “MERS” титэмт вирусийн халдвар авсан дөрөв дэх хүн Өмнөд Солонгост нас баржээ.

Хойд Солонгосын удирдагч Ким Чен Ун төрийн өндөр албан тушаал хашдаг 15 хүнийг цаазаар авах тушаал гаргасан бөгөөд тушаалыг энэ ондоо багтаан гүйцэтгэх гэнэ. Энэ талаар тагнуулын албанаас авсан мэдээллийн дагуу “Ренхап” агентлагаас дамжуулсан байна.