БЭЭЖИН. /TASS/. Хятадын Ардын банк /Төв банк/ тогтсон үнээр буцаан худалдах үүрэгтэйгээр үнэт цаас худалдан авах ажиллагааны тусламжтайгаар улсынхаа санхүүгийн тогтолцоонд 130 тэрбум юань буюу 20.1 тэрбум доллар нэмж оруулсан тухай тус банкны цахим хуудсанд мэдээлжээ.
ПХЕНЬЯН. /TASS/. Цөмийн цэнэгт хошуу болон баллистик пуужингийн туршилтыг ойрын үед явуулахаар төлөвлөж буйгаа Умард Солонгос мэдэгдлээ. Тус улсын удирдагч Ким Жөн Ун холбогдох зарлигийг гаргасан тухай Солонгосын төв цахилгаан мэдээний агентлаг /KCNA/ мэдээлсэн байна.
БЭЭЖИН. /NHK/. Өнгөрсөн жил 54000 гаруй төрийн албан хаагчийг авлигын хэргээр ял шийтгэсэн гэж БНХАУ-ын Ардын дээд прокурорын газар мэдэгдэв. Ингэснээр БНХАУ-д авлигын хэргээр ял шийтгүүлсэн төрийн албан хаагчийн тоо гурван жил дараалан 50000 давжээ.
