БАРНАУЛ./altapress/. Оросын хууль сахиулах байгууллагын хил орчмын анги нэгтгэлийн  дарга нар болон Монголын Хуульзүйн яамны төлөөлөгчид оролцсон зөвлөгөөн Алтайн хязгаарт болжээ. Хоёр орны төлөөлөгчид мансууруулах бодистой тэмцэхэд хамтран ажиллах асуудлыг хэлэлцлээ гэж Алтай хязгаарын мансууруулах бодист хяналт тавих албаны хэвлэлийн алба мэдээлжээ.

УЛААН-ҮД. /ITAR-TASS/. Халх голын тулалдаанд оролцож байсан Зөвлөлтийн танкуудын нэгийг Улаан-Үд хотын дурсгалын цогцолборт байрлуулахыг Буриадын хайгуулчид санал болгожээ.

МОСКВА. /ITAR-TASS/. Евразийн эдийн засгийн холбоо /ЕАЭХ/ байгуулах тухай Орос, Беларусь болон Казахстан улс хоорондын гэрээг батлах тухай хуульд ОХУ-ын Ерөнхийлөгч Владимир Путин гарын үсэг зуржээ. Уг баримт бичигт гарын үсэг зурсан тухайгаа Путин Засгийн газрын гишүүдтэй уулзах үеэрээ мэдээлсэн байна.