“Turquoise Hill Resources" компани бүтээн байгуулалтын ажил саатсаны улмаас Оюу Толгойн өнөөгийн үнэ цэнэ 800 сая ам.доллараар буурсан гэж мэдээллээ. Мөн далд уурхайн үйл ажиллагааны төсөөлөл буурсан учраас үнэ цэнийг дахин 1.5 тэрбум ам.доллараар бууруулах шаардлагатай болсон гэж мэдэгджээ.

БНХАУ-ын нүүрсний импорт сарын дүнгээрээ өссөн ч Монгол Улсаас импортлох коксжих нүүрсний хэмжээ сүүлийн хагас жилийн доод түвшиндээ хүрчээ. Гэхдээ хүйтний улирал дөхсөн нь БНХАУ-ын импорт өсөхөд нөлөөлж байна. БНХАУ-ын Гаалийн Ерөнхий газрын мэдээлснээр есдүгээр сард тус улсын нүүрсний импорт өмнөх сараасаа 12.2 хувиар өсч, 21.2 сая тоннд хүрсэн байна.

“Уул уурхайн салбарт тулгамдсан асуудал, шийдвэрлэх арга зам” нээлттэй хэлэлцүүлэг өнөөдөр Тусгаар тогтнолын Ордонд боллоо.