Ирак дахь “Лалын улс” бүлэглэлд Канадын агаарын цэргийн хүчин анхны  цохилтоо өглөө гэж Канадын Батлан хамгаалах яам мэдэгдлээ. Эвслийн түншүүдтэй харилцан уялдуулан, хоёр “CF-18” сөнөөгч онгоц 500 фунт жинтэй “GBU12” лазерын удирдлагатай бөмбөгөөр “Лалын улс” бүлэглэлд цохилт өгсөн гэж мэдэгдэлдээ дурджээ.

ОТТАВА. /ITAR-TASS/. Канадын Оттава хот болон Квебек мужийн Сэн-сюр-Ришель хотод үйлдсэн халдлагын улмаас амиа алдсан цэргийн албан хаагчдын ар гэрт тусламж үзүүлэх зорилгоор тус улсын оршин суугчид гурван өдрийн дотор 300 мянга гаруй доллар цуглуулжээ.

Оттава дахь парламентын ордонд болсон халдлагын дүрс бичлэгийг Канадын цагдаагийн газар үзүүлжээ.Бичлэгээс үзвэл, сэжигтэн Майкл Зэхаф-Бибэау нь цэрэг буудсан газраасаа машинтай ирж парламентын ордны өмнө машинаа байрлуулсныхаа дараа буудаж эхэлсэн байна. Энэ нь ойр хавьд байсан хүмүүсийг зугтахад хүргэжээ.